मुंबई: पेट्रोल पंप 'या' वेळेतच सुरू राहणार

मुंबई: करोनाच्या पार्श्वभूमीवर महाराष्ट्रात लॉकडाउनदरम्यान अत्यावश्यक सेवाच सुरू राहणार आहे. ठाणे, रायगड आणि पालघरमधील पेट्रोल पंप मालकांनीही महत्वाचा निर्णय घेतला आहे. आता पेट्रोल पंप सोमवारपासून दररोज सकाळी सात ते संध्याकाळी सातपर्यंत असे बारा तासच सुरू राहणार आहेत.

'जनता कर्फ्यू'त उद्या पहाटे पाचपर्यंत वाढ: आरोग्यमंत्री

शिवसेना, राष्ट्रवादीचे खासदार राज्यातच थांबणार

करोनाचा प्रादुर्भाव वाढत आहे. रुग्णांची संख्या दिवसागणिक वाढत आहे. महाराष्ट्र सरकारनंही राज्यात लॉकडाउनची घोषणा केली असून, फक्त अत्यावश्यक सेवा सुरू राहणार आहेत. पेट्रोल पंपांवरील गर्दी लक्षात घेता, करोनाचा प्रादुर्भाव रोखण्यासाठी आणि कर्मचाऱ्यांच्या सुरक्षिततेसाठी ठाणे, रायगड आणि पालघरमधील पेट्रोल पंप मालकांनी दिवसातील फक्त १२ तासच पंप सुरू ठेवण्याचा निर्णय घेतला आहे. सोमवारपासून या निर्णयाची अंमलबजावणी करण्यात येणार असून, दररोज सकाळी ७ ते संध्याकाळी ७पर्यंतच पंप सुरू ठेवण्यात येणार आहेत.



महाराष्ट्र Live: 'अत्यावश्यक वाहतूक सुरूच'

मुख्यमंत्र्यांच्या आवाहनाला साथ देऊया!: पवार

वाहनांमध्ये इंधन भरण्यासाठी चालकांनीही पंपांवर गर्दी करू नये, असं आवाहन ठाणे, रायगड आणि पालघर जिल्ह्यातील पेट्रोल डीलर असोसिएशननं केलं आहे.