मुंबईत 'कोल्ड-प्ले'चा जलवा; तारे-तारकांनाही घातली भुरळ

मटा ऑनलाइन वृत्त। मुंबई

आपल्या संगीताने साऱ्या तरुणाईला आकर्षित करणारा जगप्रसिद्ध ब्रिटिश रॉकबॅण्ड 'कोल्डप्ले'चा निर्माता क्रिस मार्टिन याच्या संगीताने भारतीय चित्रपटसृष्टीतील कलाकारांनाही किती वेड लावलंय, याचा प्रत्यय आज मुंबईत 'ग्लोबल सिटीझन फेस्टिवल इंडिया'च्या (GCFI) संस्करण सोहळ्यात आला. क्रिसचा स्टेजवर प्रयोग सुरू होण्यापूर्वी बॉलीवूड तारकांनी स्टेजवर दर्शकांनी एकच जल्लोष केला.



लाखो चाहत्यांच्या ह्रदयाचा बादशहा शाहरुख खान प्लेन सफेद टी-शर्ट आणि कार्गो पँट परिधान करून स्टेजवर आला. ग्रॅमी आणि ऑस्कर पुरस्कार विजेता संगीतकार ए. आर. रहमान याची शाहरुख खानने ओळख करून दिली. परंतु, त्याने स्टेज सोडण्यापूर्वी आपल्या उपस्थित चाहत्यांना 'मी लवकरच परत येतोय', असे वचन देऊन तो निघून गेला.



चमचमणाऱ्या जॅकेटवाल्या सोनेरी सुटात आलेली गायिका डेमी लोवॅटो स्टेजवर येताच उपस्थितांमध्ये उत्साह संचारला. अभिेनेत्री आलिया भट्टने डेमीची ओळख करुन दिली.



गुगलच्या उपाध्यक्षांनी अभिनेत्री सोनम कपूरला स्टेजवर आणताच सर्वांच्या नजरा तिच्यावर खिळल्या. आकर्षक अशा लाल रंगाच्या पेहरावात आलेली अभिनेत्री सोनम कपूर अतिशय सुंदर दिसत होती. १ कोटी तरुणांना आपण शाश्वत विकासाबाबतचे शिक्षण देऊ असे वचन दोघांनीही उपस्थितांना दिले.



सोनाक्षी सिन्हाने स्टेजवर येताच फोटोसाठी पोज देताना आपल्यातील रॉकस्टारला वाव दिला.



विद्या बालनने लाँग ग्रीन कोट आणि पलाझो पँट परिधान केला होता. विद्या या पेहरावात इतकी गोड दिसत होती की, सोनाक्षी सिन्हाने तिला मिठीच मारली.



या कार्यक्रमातील अभिनेत्री श्रद्धा कपूरचाही जलवा पाहा!