म. टा. प्रतिनिधी, मुंबई
राष्ट्रवादी काँग्रेसचे माजी प्रदेशाध्यक्ष, माजी आदिवासी विकासमंत्री मधुकरराव पिचड यांना उपचारासाठी मुंबईतील लिलावती रुग्णालयात दाखल करण्यात आले असून, राष्ट्रवादी काँग्रेसचे अध्यक्ष शरद पवार यांनी आज बुधवारी लिलावती रुग्णालयात जाऊन त्यांच्या प्रकृतीची विचारपूस केली.
याचवेळी आमदार हनुमंत डोळस आणि माजी मंत्री उदय सामंत यांच्या मातोश्री लिलावतीमध्ये उपचार घेत असल्याची माहिती मिळाल्यानंतर शरद पवार यांनी त्याठिकाणी जाऊन त्यांच्याही तब्येतीची आस्थेने विचारपूस केली.