पितृपक्षामुळे बाणगंगेतल्या माशांवर संक्रांत

मटा ऑनलाइन वृत्त । मुंबई

वाळकेश्वर येथील बाणगंगा तलावात आज ३ ते ४ हजार मासे मृतावस्थेत आढळले. पितृपक्षातल्या पुजेच्या विधीमुळे तलावातले पाणी प्रदूषित होउन हे मासे मेले असल्याची शक्यता स्थानिकांनी वर्तवली आहे.

पितृपक्षात होणाऱ्या विधींमुळे तलावात मोठ्या प्रमाणावर फुले, पीठ आणि अन्य साहित्याचा खच पडतो. परिणामी पाणी प्रदुषित होऊन तलावातल्या पाण्याचे ऑक्सिजनचे प्रमाण कमी होते, परिणामी ते माशांच्या जीवावर बेतते. काल रात्रीपासून हे मेलेले मासे काढून तलाव स्वच्छ करण्याकामी अनेक स्थानिक मदत करत आहेत, तर अनेकजण ते घरीही घेऊन जात आहेत.