स्टेशनांवर ‘पिझ्झा’ मशिन

Hemant.satam@timesgroup.com

Tweet : @hemantsatamMT

मुंबईः रेल्वे प्रवासात नेहमीचे खाद्यपदार्थ पुरवणाऱ्या इंडियन रेल्वे कॅटरिंग अँड टुरिझम कॉपोरेशनने (आयआरसीटीसी) आता मुंबईच्या चार स्टेशनांवर पिझ्झा आणि फ्रेंच फ्राइज पुरवण्याचा संकल्प केला आहे. लोकल मार्गावर कल्याण, एलटीटी, मुंबई सेंट्रल, सीएसटी येथे याप्रकारची सुविधा देण्यासाठी प्रयत्न सुरू आहे.

प्रायोगिक तत्त्वावर या स्टेशनांवर एनी टाइम पिझ्झा आणि फ्रेंच फ्राइज मशीन बसवण्याचा विचार सुरू आहे. त्यात पाच मिनिटांत पिझ्झा मिळण्याची सुविधा देण्यात येणार आहे. गोव्यातही प्रमुख स्टेशनांवर अशा मशिन बसवण्यासाठी प्रयत्न करण्यात येत आहेत.

* एनीटाइम पिझ्झा

>> मोठ्या आकाराच्या पिझ्झासाठी २२० ते ३०० रुपये आकारले जातील. त्यात आठ वेगवेगळ्या चवींच्या पिझ्झाचा समावेश आहे.

>> प्रवाशांना २००, ३०० ग्रॅमच्या पिझ्झाचाही पर्याय देण्यात येणार आहे.

>> रोख रक्कम, डेबिट, क्रेडिट कार्डच्या आधारे पिझ्झा घेता येतील. त्यासाठी सुरुवातीला एक सहाय्यकही नेमला जाणार आहे.

>> पिझ्झा मशिनमधून मिळणार असला तरी त्यातील शुद्धतेत कोणतीही काटकसर ठेवण्यात येणार नसल्याचा दावा केला जात आहे.

* कल्याण ‌की अंधेरी?

कल्याण येथे काही महिन्यातच पहिले मशिन सुरू होण्याची शक्यता आहे. त्यासाठी तुलनेने मोठ्या प्रमाणावर जागेची आवश्यकता आहे. पण तोच मोठा अडथळा आहे. त्या स्थितीत अंधेरी येथील नवीन डेकवर पिझ्झा मशिन पुरवण्याचा मानस असल्याचे ‘आयआरसीटीसी’तर्फे सांगितले जाते.