मुंबई:
बॉलिवूड अभिनेत्री प्रीती झिंटा हिने चार वर्षांपूर्वी उद्योजक मित्र नेस वाडिया यांच्याविरोधात दाखल केलेल्या विनयभंगाच्या आरोपप्रकरणी पोलिसांनी महानगर दंडाधिकारी न्यायालयात दोनशे पानी आरोपपत्र दाखल केले आहे.
३० मे, २०१४ रोजी किंग्ज इलेव्हन पंजाब आणि चेन्नई सुपर किंग्ज या संघांदरम्यान आयपीएल सामना सुरू असताना नेस यांनी आपला विनयभंग केला, शिवीगाळ केली आणि आपल्यावर हल्लाही केला, अशी लेखी तक्रार प्रीतीने मरिन ड्राइव्ह पोलिस ठाण्यात केली होती. वानखेडे स्टेडियममध्ये आयपीएल सामना सुरू असताना गरवारे पॅव्हेलियनमध्ये आपल्याला पाहून नेस यांनी तिकीटवाटपाच्या मुद्द्यावरून आपल्या टीमच्या सहकाऱ्यांसमोरच शिवीगाळ केली. त्यानंतर आपण जागा बदलली. तरीही त्याने शिवीगाळ करत असभ्य वर्तन केले आणि आपले हात जोरात खेचत आपल्यावर हल्ला केला, असा प्रीतीचा आरोप आहे. नेस यांनी हे आरोप फेटाळून लावले आहेत. आता या खटल्याची सुनावणी लवकरच सुरू होण्याची शक्यता आहे.
बॉलिवूड अभिनेत्री प्रीती झिंटा हिने चार वर्षांपूर्वी उद्योजक मित्र नेस वाडिया यांच्याविरोधात दाखल केलेल्या विनयभंगाच्या आरोपप्रकरणी पोलिसांनी महानगर दंडाधिकारी न्यायालयात दोनशे पानी आरोपपत्र दाखल केले आहे.
३० मे, २०१४ रोजी किंग्ज इलेव्हन पंजाब आणि चेन्नई सुपर किंग्ज या संघांदरम्यान आयपीएल सामना सुरू असताना नेस यांनी आपला विनयभंग केला, शिवीगाळ केली आणि आपल्यावर हल्लाही केला, अशी लेखी तक्रार प्रीतीने मरिन ड्राइव्ह पोलिस ठाण्यात केली होती. वानखेडे स्टेडियममध्ये आयपीएल सामना सुरू असताना गरवारे पॅव्हेलियनमध्ये आपल्याला पाहून नेस यांनी तिकीटवाटपाच्या मुद्द्यावरून आपल्या टीमच्या सहकाऱ्यांसमोरच शिवीगाळ केली. त्यानंतर आपण जागा बदलली. तरीही त्याने शिवीगाळ करत असभ्य वर्तन केले आणि आपले हात जोरात खेचत आपल्यावर हल्ला केला, असा प्रीतीचा आरोप आहे. नेस यांनी हे आरोप फेटाळून लावले आहेत. आता या खटल्याची सुनावणी लवकरच सुरू होण्याची शक्यता आहे.