पीपीई किट, मास्कच्या तुटवड्यावर 'हा' उतारा?

म. टा. विशेष प्रतिनिधी, मुंबई

करोनाचा संसर्ग वाढता असून, पीपीई आणि एन ९५ मास्कच्या उपलब्धतेचा तुटवडा भासत आहे. त्यामुळे त्यांचा पुनर्वापर करण्याच्या दृष्टीने सरकार विचार करत असून, एम्सने यासंदर्भात केलेल्या वैद्यकीय विश्लेषणाचा संदर्भ पडताळून पाहण्यात येणार आहे. राज्य सरकारने यासाठी सात सदस्यांची समितीही स्थापन केली आहे.

करोना: मृत पोलिसांच्या कुटुंबांना ५० लाख

पुरेसे मनुष्यबळ, तसेच साधनसामग्री नसल्यामुळे पीपीई किट मिळणे दिवसोंदिवस अवघड होत आहे. ऑल इंडिया इन्स्टिट्यूट ऑफ मेडिकल सायन्सेस, तसेच जेजे रुग्णालयातील डॉक्टरांनी योग्य प्रक्रियेनंतर पीपीई किटचा पुनर्वापर करता येतो, हे दाखवून दिले आहे. मात्र, या दोन्ही वैद्यकीय मांडणीचे निकष सारखे असण्यासंदर्भात पडताळणी करण्यात येणार आहे. एन ९५ मास्क व करोनासंरक्षित पोषाखांची कमतरता असल्याने सध्या थेट वैद्यकीय उपचार करणाऱ्या डॉक्टरांनाच पीपीई किट देण्यात यावा अशी मार्गदर्शक तत्त्वे आयीसीएमआरने निश्चित केली आहे. मात्र रुग्णांची संख्या वाढत असल्यामुळे पीपीई किट, तसेच एन ९५ मास्कचा तुटवडा भासतो आहे. त्यामुळे निर्जतुकीकरण करून पीपीई किट वापरता येऊ शकतात का, यादृष्टीने राज्य सरकारने स्थापन केलेली समिती अभ्यास करणार आहे.

महाराष्ट्राला आर्थिक पॅकेज द्या: शरद पवार