संजय राऊत आणि देवेंद्र फडणवीस यांची गुप्त भेट; 'या' विषयावर झाली चर्चा

मुंबईः विरोधी पक्ष नेते देवेंद्र फडणवीस आणि शिवसेना खासदार संजय राऊत यांच्या भेटीनंतर महाराष्ट्राच्या राजकारणात पुन्हा एकदा भूकंप येणार असल्याच्या चर्चा राजकीय वर्तुळात रंगत आहेत. भाजप नेते प्रवीण दरेकर यांनी मात्र या चर्चांना पूर्णविराम देत ही अराजकीय भेट असल्याचं स्पष्ट केलं आहे.

शनिवारी मुंबईतील ग्रँड ह्यात हॉटेलमध्ये आज संजय राऊत आणि फडणवीस यांची भेट झाली. या दोन्ही नेत्यांमध्ये तब्बल अडीच ते तीन तास चर्चा झाल्याची माहिती. आहे. शिवसेनेचं मुखपत्र असलेल्या 'सामना' वृत्तपत्राच्या मुलाखतीसाठी संजय राऊत आणि फडणवीस भेटले असल्याचं, प्रवीण दरेकर यांनी नमूद केलं आहे.

राऊत-फडणवीस एका हॉटेलात भेटले, तासभर बोलले! चर्चा तर होणारच

'संजय राऊत यांनी सामनासाठी देवेंद्र फडणवीस यांची मुलाखत घेण्याची इच्छा बोलून दाखवली होती. या मुलाखतीवर चर्चा करण्यासाठी एकदा भेटण्याचे ठरले होते. ती संपूर्ण मुलाखत अनएडिट व्हावी, अशी देवेंद्र फडणवीस यांची इच्छा होती. त्यामुळं एकदा भेटून मुलाखतीचे स्वरुप ठरवण्यासाठी ही भेट घेतली आहे. या भेटीला कोणताही राजकीय संदर्भ नाही,' असं स्षष्टीकरण प्रवीण दरेकर यांनी दिलं आहे.

भाजपने पुन्हा डावलले; खडसे आता काय करणार? चर्चेला उधाण

आज दुपारी दीड वाजता राऊत आणि फडणवीस ग्रँड ह्यात हॉटेलमध्ये भेटले. दोघांमध्ये तब्बल तीन सात चर्चा झाली. बंद दाराआड झालेल्या या गुप्त भेटीमुळं पुन्हा एकदा राजकारण फिरणार का? अशा चर्चा माध्यमांमध्ये रंगल्या होत्या.