म. टा. विशेष प्रतिनिधी, मुंबई
हृदयाला छिद्र असल्याने महापालिकेच्या केईएम रुग्णालयात उपचारासाठी दाखल झालेल्या प्रिन्स राजभर या तीन महिन्यांच्या मुलाचा उपचारादरम्यान २१ नोव्हेंबर रोजी मृत्यू झाला. प्राथमिकदृष्ट्या हा अपघात असल्याचे सांगणाऱ्या पालिकेने प्रिन्सचा मृत्यू हा सेप्टिसेमिशॉक (रक्तातील जंतूसंसर्ग), थर्मल बर्न, (भाजल्याने) तसेच एटरियल सेप्टल डिफेक्ट (जन्मजात ह्रदयरोग) यामुळे झाल्याचा दावा केला आहे.
प्रिन्सच्या मृत्यूप्रकरणाचे तीव्र पडसाद मागील आठवड्यातील स्थायी समितीच्या बैठकीत उमटले होते. विरोधी पक्षनेते रवी राजा, स्थायी समितीचे अध्यक्ष यशवंत जाधव, समाजवादी पक्षाचे रईस शेख, भाजपचे प्रभाकर शिंदे, राष्ट्रवादीच्या गटनेत्या राखी जाधव, सभागृह नेत्या विशाखा राऊत यांनी प्रशासनाला धारेवर धरत मृत्यूचे नेमके कारण काय, असा प्रश्न विचारला होता. त्यावर प्रशासनाने बुधवारी लेखी उत्तर दिले आहे. प्रिन्सच्या मृतदेहाचे शवविच्छेदन करण्यासाठी तीन वैद्यकीय महाविद्यालयाच्या फॉरेन्सिक विभागाच्या तीन विभागप्रमुखांची समिती नेमण्यात आली व शवविच्छेदन करण्यात आले. या दुर्घटनेच्या चौकशीसाठी पालिका रुग्णालयांचे संचालक डॉ. रमेश भारमल यांच्या अध्यक्षतेखाली समिती नेमण्यात आली होती.
ज्या ईसीजी मशिनमुळे आग लागून गादी जळाली व त्यात प्रिन्स २२ टक्के भाजला गेला ती मशिन आणि गादीचा जळलेला भाग भोईवाडा पोलिसांनी आपल्या ताब्यात घेऊन न्यायवैद्यक प्रयोगशाळेत दिला आहेत. भोईवाडा पोलिसांमार्फत या घटनेची चौकशी करण्यात येत आहे, असे पालिका प्रशासनाने म्हटले आहे. प्रिन्सला केईएममध्ये भरती करण्यात आले तेव्हा जन्मजात हृदयरोग व अरुंद श्वास नलिकेचा त्रास होता. तसेच त्याला हृदयसंबंधीचे आजार व न्युमोनिया हे दोन गंभीर आजार होते. त्यामुळे तातडीने व्हेंटिलेटरवर ठेवण्यात आले होते. ईसीजी मशिमधून झालेल्या शॉर्टसर्किटमुळे त्याचा उजवा हात, छातीचा काही भाग, खांदा व कान भाजला. त्यावर उपचार सुरू असताना हाताला गँगरीन पसरू नये म्हणून खांद्यापासून त्याचा हात कापण्यात आला. सुरूवातीला एक आठवडा त्याची प्रकृती स्थिर होती. मात्र न्युमोनिया व सेप्टिमियामुळे त्याची तब्बेत बिघडली व २१ नोव्हेंबर रोजी त्याचा मृत्यू झाला, असे स्पष्ट करण्यात आले आहे.
डीएमईआर मार्फत चौकशी
प्रिन्सचा उपचारादरम्यान झालेला मृत्यू व मृत्यूचे खरे कारण जाणून घेण्यासाठी पालिकेने त्रयस्थ समितीमार्फत या प्रकरणाची चौकशी करण्याची मागणी स्थायी समितीच्या बैठकीत करण्यात आली होती. त्यावर पालिकेने वैद्यकीय शिक्षण आणि संशोधन संचलनालय (डीएमईआर) यांच्यामार्फत चौकशी करण्यात येणार असल्याचे स्पष्ट केले आहे.
पोलिस-प्रशासकीय अहवालानंतरच कारवाई
प्रिन्सच्या मृत्यूला रुग्णालय प्रशासनाचा हलगर्जीपणा कारणीभूत असल्याचा आरोप करीत केईएमचे अधिष्ठाता डॉ. हेमंत देशमुख यांना निलंबित करण्याची मागणी नगरसेवकांनी केली आहे. त्यावर या दुर्घटनेबाबत पोलिस आणि प्रशासकीय चौकशी अहवाल प्राप्त झाल्यानंतर योग्य ती कारवाई करण्यात येईल, असे उत्तर दिले आहे.
हृदयाला छिद्र असल्याने महापालिकेच्या केईएम रुग्णालयात उपचारासाठी दाखल झालेल्या प्रिन्स राजभर या तीन महिन्यांच्या मुलाचा उपचारादरम्यान २१ नोव्हेंबर रोजी मृत्यू झाला. प्राथमिकदृष्ट्या हा अपघात असल्याचे सांगणाऱ्या पालिकेने प्रिन्सचा मृत्यू हा सेप्टिसेमिशॉक (रक्तातील जंतूसंसर्ग), थर्मल बर्न, (भाजल्याने) तसेच एटरियल सेप्टल डिफेक्ट (जन्मजात ह्रदयरोग) यामुळे झाल्याचा दावा केला आहे.
प्रिन्सच्या मृत्यूप्रकरणाचे तीव्र पडसाद मागील आठवड्यातील स्थायी समितीच्या बैठकीत उमटले होते. विरोधी पक्षनेते रवी राजा, स्थायी समितीचे अध्यक्ष यशवंत जाधव, समाजवादी पक्षाचे रईस शेख, भाजपचे प्रभाकर शिंदे, राष्ट्रवादीच्या गटनेत्या राखी जाधव, सभागृह नेत्या विशाखा राऊत यांनी प्रशासनाला धारेवर धरत मृत्यूचे नेमके कारण काय, असा प्रश्न विचारला होता. त्यावर प्रशासनाने बुधवारी लेखी उत्तर दिले आहे. प्रिन्सच्या मृतदेहाचे शवविच्छेदन करण्यासाठी तीन वैद्यकीय महाविद्यालयाच्या फॉरेन्सिक विभागाच्या तीन विभागप्रमुखांची समिती नेमण्यात आली व शवविच्छेदन करण्यात आले. या दुर्घटनेच्या चौकशीसाठी पालिका रुग्णालयांचे संचालक डॉ. रमेश भारमल यांच्या अध्यक्षतेखाली समिती नेमण्यात आली होती.
ज्या ईसीजी मशिनमुळे आग लागून गादी जळाली व त्यात प्रिन्स २२ टक्के भाजला गेला ती मशिन आणि गादीचा जळलेला भाग भोईवाडा पोलिसांनी आपल्या ताब्यात घेऊन न्यायवैद्यक प्रयोगशाळेत दिला आहेत. भोईवाडा पोलिसांमार्फत या घटनेची चौकशी करण्यात येत आहे, असे पालिका प्रशासनाने म्हटले आहे. प्रिन्सला केईएममध्ये भरती करण्यात आले तेव्हा जन्मजात हृदयरोग व अरुंद श्वास नलिकेचा त्रास होता. तसेच त्याला हृदयसंबंधीचे आजार व न्युमोनिया हे दोन गंभीर आजार होते. त्यामुळे तातडीने व्हेंटिलेटरवर ठेवण्यात आले होते. ईसीजी मशिमधून झालेल्या शॉर्टसर्किटमुळे त्याचा उजवा हात, छातीचा काही भाग, खांदा व कान भाजला. त्यावर उपचार सुरू असताना हाताला गँगरीन पसरू नये म्हणून खांद्यापासून त्याचा हात कापण्यात आला. सुरूवातीला एक आठवडा त्याची प्रकृती स्थिर होती. मात्र न्युमोनिया व सेप्टिमियामुळे त्याची तब्बेत बिघडली व २१ नोव्हेंबर रोजी त्याचा मृत्यू झाला, असे स्पष्ट करण्यात आले आहे.
डीएमईआर मार्फत चौकशी
प्रिन्सचा उपचारादरम्यान झालेला मृत्यू व मृत्यूचे खरे कारण जाणून घेण्यासाठी पालिकेने त्रयस्थ समितीमार्फत या प्रकरणाची चौकशी करण्याची मागणी स्थायी समितीच्या बैठकीत करण्यात आली होती. त्यावर पालिकेने वैद्यकीय शिक्षण आणि संशोधन संचलनालय (डीएमईआर) यांच्यामार्फत चौकशी करण्यात येणार असल्याचे स्पष्ट केले आहे.
पोलिस-प्रशासकीय अहवालानंतरच कारवाई
प्रिन्सच्या मृत्यूला रुग्णालय प्रशासनाचा हलगर्जीपणा कारणीभूत असल्याचा आरोप करीत केईएमचे अधिष्ठाता डॉ. हेमंत देशमुख यांना निलंबित करण्याची मागणी नगरसेवकांनी केली आहे. त्यावर या दुर्घटनेबाबत पोलिस आणि प्रशासकीय चौकशी अहवाल प्राप्त झाल्यानंतर योग्य ती कारवाई करण्यात येईल, असे उत्तर दिले आहे.