म. टा. विशेष प्रतिनिधी, मुंबई
करोना रुग्णांकडून अव्वाच्या सव्वा बिले आकारून लूट करणाऱ्या खासगी रुग्णालयांना महापालिकेने जोरदार दणका दिला आहे. मागील दोन महिन्यांत पालिकेकडे आलेल्या १,११५ तक्रारींपैकी ६२५ प्रकरणांचा निपटारा करण्यात आला असून तब्बल एक कोटी ४७ लाख रुपयांची परतफेड रुग्णांना करण्यात आली आहे. त्यामुळे रुग्ण आणि त्यांच्या नातेवाईकांना दिलासा मिळाला आहे.
मुंबईतील करोना रुग्णांचे आकडे खरे की खोटे?; अमेरिकेतील बातमीनंतर घमासान
खासगी रुग्णालयात करोनावरील उपचारांसाठी दाखल झालेल्या रुग्णालयांकडून अवाजवी बिलाची आकारणी होत असल्याच्या तक्रारी होऊ लागल्यामुळे महापालिका प्रशासनाने विविध रुग्णालयांसाठी पालिका मुख्य लेखापरीक्षक खात्यातील लेखापरीक्षकांची नेमणूक केली आहे. तेव्हापासून आतापर्यंत ३७ रुग्णालयांतील ६२५ तक्रारींचा निपटारा तसेच अन्य ४९० अशा एकूण १११५ तक्रारी प्रकरणात कार्यवाही करण्यात आली आहे.
या १,११५ प्रकरणातील मूळ देय रक्कम एकूण १४.०१ कोटी रुपये इतकी होती. या प्रकरणांमध्ये झालेल्या तक्रारी आणि सूचना यांचा विचार करून लेखापरीक्षक अधिकाऱ्यांनी सर्व नियम तपासून कार्यवाही केली. तपासणी आणि पडताळणी अंती या देयकांची योग्य फेरआकारणी करण्याच्या सूचना रुग्णालयांना देण्यात आल्या. परिणामी या सर्व प्रकरणातील बिलांची रक्कम कमी होऊन १२.५४ कोटी रुपये इतकी झाली. मूळ देयक आकारणीचा विचार करता सुमारे १०.४८ टक्क्यांनी देयकांची रक्कम म्हणजे रुग्णांची एक कोटी ४६ लाख ८४ हजार रूपये रक्कम कमी झाली आहे.
खाटांसाठी लावले जादा दर
करोना रूग्णांना परिणामकारक वैद्यकीय सेवा सुविधा मिळाव्यात, म्हणून राज्य सरकारच्या निर्देशांनुसार खासगी रुग्णालयांतील ८० टक्के खाटा पालिकेने ताब्यात घेण्याचा निर्णय घेतला आहे. या ८० टक्के खाटांवर उपचार घेणाऱ्या रुग्णांकडून कोणत्या दराने शुल्क आकारणी करावी, याबाबत सरकारने दिलेल्या निर्देशांपेक्षा अधिक दराने खासगी रुग्णालये आकारणी करीत असल्याच्या तक्रारी होऊ लागल्या. त्यामुळे पालिकेच्या मुख्य लेखापरीक्षक खात्यातील प्रत्येकी दोन अधिकाऱ्यांची नियुक्ती ही खासगी रुग्णालयांसाठी केली आहे.
येथे करा तक्रार
एखाद्या खासगी रुग्णालयाबाबत रुग्णांना किंवा रुग्णांच्या आप्तांना काही तक्रार किंवा सूचना करावयाची असल्यास त्यासाठीचा पर्याय पालिकेने उपलब्ध करून दिला आहे. यासाठी संबंधित खासगी रुग्णालयासाठी सनदी अधिकाऱ्यांची नियुक्ती करण्यात आली आहे. त्या अधिकाऱ्यांकडे ईमेलद्वारे किंवा पालिकेच्या १९१६ हेल्पलाइनवर तक्रार नोंदवून घेतली जाते.
करोना रुग्णांकडून अव्वाच्या सव्वा बिले आकारून लूट करणाऱ्या खासगी रुग्णालयांना महापालिकेने जोरदार दणका दिला आहे. मागील दोन महिन्यांत पालिकेकडे आलेल्या १,११५ तक्रारींपैकी ६२५ प्रकरणांचा निपटारा करण्यात आला असून तब्बल एक कोटी ४७ लाख रुपयांची परतफेड रुग्णांना करण्यात आली आहे. त्यामुळे रुग्ण आणि त्यांच्या नातेवाईकांना दिलासा मिळाला आहे.
मुंबईतील करोना रुग्णांचे आकडे खरे की खोटे?; अमेरिकेतील बातमीनंतर घमासान
खासगी रुग्णालयात करोनावरील उपचारांसाठी दाखल झालेल्या रुग्णालयांकडून अवाजवी बिलाची आकारणी होत असल्याच्या तक्रारी होऊ लागल्यामुळे महापालिका प्रशासनाने विविध रुग्णालयांसाठी पालिका मुख्य लेखापरीक्षक खात्यातील लेखापरीक्षकांची नेमणूक केली आहे. तेव्हापासून आतापर्यंत ३७ रुग्णालयांतील ६२५ तक्रारींचा निपटारा तसेच अन्य ४९० अशा एकूण १११५ तक्रारी प्रकरणात कार्यवाही करण्यात आली आहे.
या १,११५ प्रकरणातील मूळ देय रक्कम एकूण १४.०१ कोटी रुपये इतकी होती. या प्रकरणांमध्ये झालेल्या तक्रारी आणि सूचना यांचा विचार करून लेखापरीक्षक अधिकाऱ्यांनी सर्व नियम तपासून कार्यवाही केली. तपासणी आणि पडताळणी अंती या देयकांची योग्य फेरआकारणी करण्याच्या सूचना रुग्णालयांना देण्यात आल्या. परिणामी या सर्व प्रकरणातील बिलांची रक्कम कमी होऊन १२.५४ कोटी रुपये इतकी झाली. मूळ देयक आकारणीचा विचार करता सुमारे १०.४८ टक्क्यांनी देयकांची रक्कम म्हणजे रुग्णांची एक कोटी ४६ लाख ८४ हजार रूपये रक्कम कमी झाली आहे.
खाटांसाठी लावले जादा दर
करोना रूग्णांना परिणामकारक वैद्यकीय सेवा सुविधा मिळाव्यात, म्हणून राज्य सरकारच्या निर्देशांनुसार खासगी रुग्णालयांतील ८० टक्के खाटा पालिकेने ताब्यात घेण्याचा निर्णय घेतला आहे. या ८० टक्के खाटांवर उपचार घेणाऱ्या रुग्णांकडून कोणत्या दराने शुल्क आकारणी करावी, याबाबत सरकारने दिलेल्या निर्देशांपेक्षा अधिक दराने खासगी रुग्णालये आकारणी करीत असल्याच्या तक्रारी होऊ लागल्या. त्यामुळे पालिकेच्या मुख्य लेखापरीक्षक खात्यातील प्रत्येकी दोन अधिकाऱ्यांची नियुक्ती ही खासगी रुग्णालयांसाठी केली आहे.
येथे करा तक्रार
एखाद्या खासगी रुग्णालयाबाबत रुग्णांना किंवा रुग्णांच्या आप्तांना काही तक्रार किंवा सूचना करावयाची असल्यास त्यासाठीचा पर्याय पालिकेने उपलब्ध करून दिला आहे. यासाठी संबंधित खासगी रुग्णालयासाठी सनदी अधिकाऱ्यांची नियुक्ती करण्यात आली आहे. त्या अधिकाऱ्यांकडे ईमेलद्वारे किंवा पालिकेच्या १९१६ हेल्पलाइनवर तक्रार नोंदवून घेतली जाते.