म. टा. प्रतिनिधी, मुंबई
मुंबईसह राज्यातील अनेक शाळांमधील शिक्षकांकडून आजही खासगी शिकवण्या सुरू असल्याचे अनेक प्रकार समोर येत आहेत. या प्रकरणांची राज्य शिक्षण विभागाने गंभीर दखल घेतली असून सर्व मुख्याध्यापकांनी आपल्या शाळांमधील शिक्षकांकडून खासगी शिकविण्या घेणार नाहीत, असे हमीपत्र भरून घेण्याची सूचना गुरुवारी शिक्षण उपसंचालक विभागाकडून जाहीर करण्यात आली आहे. मुख्य म्हणजे, याबाबतची सर्व जबाबदारी मुख्याध्यापकांवर देण्यात आली आहे.
मुंबईसह राज्यातील अनेक शाळांतील शिक्षक छुप्या पद्धतीने कोंचिंग क्लासेस किंवा खासगी शिकवण्या घेतात. तर अनेक शिक्षक विद्यार्थ्यांना या शिकवण्या बंधनकारक देखील करतात. त्यामुळे पालकांनी याविरोधात नाराजी व्यक्त केली होती. गेल्या काही दिवसांपासून हे प्रमाण वाढत असल्याचे शिक्षण विभागाच्या निदर्शनास आल्याने विभागाने याप्रकरणी पुन्हा एकदा आक्रमक पवित्रा धारणा केला आहे. शिक्षण हक्क कायद्यानुसार शाळांमधील शिक्षकांना अशाप्रकारच्या शिकवण्या घेण्यास सक्त मनाई आहे. याच कायद्याच्या अनुषंगाने मुंबई विभागीय शिक्षण उपसंचालकांनी गुरुवारी पुन्हा एकदा पत्रक काढून शाळांचे कान टोचले आहेत. या परिपत्रकानुसार सर्व शाळांतील मुख्याध्यापकांनी शिक्षकांकडून हमीपत्र भरून घ्यावयाचे असून त्यात ते अशाप्रकारची कोणतीही शिकवणी घेणार नाहीत, असे त्याचे स्वरूप असणार आहे. हे हमीपत्र मुख्याध्यापकांनी त्यांच्याकडेच ठेवयाचे असून भविष्यात जर कोणा शिक्षकांची तक्रार आल्यास त्या हमीपत्राच्या अनुषंगाने कार्यवाही करण्याची सूचना शिक्षण उपसंचालक बी. बी.चव्हाण यांनी केली आहे.
शिक्षण उपसंचालक विभागाने जाहीर केलेल्या या परिपत्रकाबद्दल बोलताना मुंबई मुख्याध्यापक संघ महामंडळाचे प्रशांत रेडीज म्हणाले की, शिक्षकांनी खासगी शिकवण्या घेऊ नये यात दुमत नाही. अनुदानित शाळांच्या शिक्षकांसाठी हा नियम असणे गरजेचे आहे. पण विनाअनुदानित, कायम विनाअनुदानित, स्वयं अर्थसहाय्य शाळांतील शिक्षकांसाठी हा नियम चुकीचा ठरेल. कारण अनुदानित शाळांतील शिक्षकांचे वेतन आणि या शाळांतील शिक्षकांच्या वेतनात तफावत असून याबद्दलही विचार होणे आवश्यक असल्याचे मत त्यांनी व्यक्त केले.
मुंबईसह राज्यातील अनेक शाळांमधील शिक्षकांकडून आजही खासगी शिकवण्या सुरू असल्याचे अनेक प्रकार समोर येत आहेत. या प्रकरणांची राज्य शिक्षण विभागाने गंभीर दखल घेतली असून सर्व मुख्याध्यापकांनी आपल्या शाळांमधील शिक्षकांकडून खासगी शिकविण्या घेणार नाहीत, असे हमीपत्र भरून घेण्याची सूचना गुरुवारी शिक्षण उपसंचालक विभागाकडून जाहीर करण्यात आली आहे. मुख्य म्हणजे, याबाबतची सर्व जबाबदारी मुख्याध्यापकांवर देण्यात आली आहे.
मुंबईसह राज्यातील अनेक शाळांतील शिक्षक छुप्या पद्धतीने कोंचिंग क्लासेस किंवा खासगी शिकवण्या घेतात. तर अनेक शिक्षक विद्यार्थ्यांना या शिकवण्या बंधनकारक देखील करतात. त्यामुळे पालकांनी याविरोधात नाराजी व्यक्त केली होती. गेल्या काही दिवसांपासून हे प्रमाण वाढत असल्याचे शिक्षण विभागाच्या निदर्शनास आल्याने विभागाने याप्रकरणी पुन्हा एकदा आक्रमक पवित्रा धारणा केला आहे. शिक्षण हक्क कायद्यानुसार शाळांमधील शिक्षकांना अशाप्रकारच्या शिकवण्या घेण्यास सक्त मनाई आहे. याच कायद्याच्या अनुषंगाने मुंबई विभागीय शिक्षण उपसंचालकांनी गुरुवारी पुन्हा एकदा पत्रक काढून शाळांचे कान टोचले आहेत. या परिपत्रकानुसार सर्व शाळांतील मुख्याध्यापकांनी शिक्षकांकडून हमीपत्र भरून घ्यावयाचे असून त्यात ते अशाप्रकारची कोणतीही शिकवणी घेणार नाहीत, असे त्याचे स्वरूप असणार आहे. हे हमीपत्र मुख्याध्यापकांनी त्यांच्याकडेच ठेवयाचे असून भविष्यात जर कोणा शिक्षकांची तक्रार आल्यास त्या हमीपत्राच्या अनुषंगाने कार्यवाही करण्याची सूचना शिक्षण उपसंचालक बी. बी.चव्हाण यांनी केली आहे.
शिक्षण उपसंचालक विभागाने जाहीर केलेल्या या परिपत्रकाबद्दल बोलताना मुंबई मुख्याध्यापक संघ महामंडळाचे प्रशांत रेडीज म्हणाले की, शिक्षकांनी खासगी शिकवण्या घेऊ नये यात दुमत नाही. अनुदानित शाळांच्या शिक्षकांसाठी हा नियम असणे गरजेचे आहे. पण विनाअनुदानित, कायम विनाअनुदानित, स्वयं अर्थसहाय्य शाळांतील शिक्षकांसाठी हा नियम चुकीचा ठरेल. कारण अनुदानित शाळांतील शिक्षकांचे वेतन आणि या शाळांतील शिक्षकांच्या वेतनात तफावत असून याबद्दलही विचार होणे आवश्यक असल्याचे मत त्यांनी व्यक्त केले.