म. टा. प्रतिनिधी, मुंबई
दिव्यांग बूथचालकांचे प्रश्न तातडीने सोडवण्याचे आश्वासन देतानाच त्यांना पालिका अधिकाऱ्यांकडून विनाकारण त्रास दिल्यास कारवाई करण्याचे आदेश महापौर विश्वनाथ महाडेश्वर यांनी दिले. दिव्यांगाकडून चालविणाऱ्या टेलिफोन बूथसंबंधात अनेक वर्षांपासून भेडसावणाऱ्या समस्येवर तोडगा काढण्यासाठी नुकतीच मुंबई महापालिकेत बैठक झाली. या बैठकीत माजी मुख्यमंत्री आणि शिवसेना सहाय्य सेना व इतर अपंग संस्थांच्या वतीने प्रमुख सल्लागार मनोहर जोशी यांनी सहभाग घेतला. त्यात दिव्यांग बूथचालकांच्या विविध मागण्यांवर चर्चा करण्यात आली.
दिव्यांग बूथचालक हे फेरीवाले नसल्याने त्यांच्या लायसन्सवरील
फेरीवाला हा शब्द काढण्यात यावा अशी मागणी जोशी यांनी केली. त्यासह, या बूथवर अन्य वस्तूंची विक्री करणाऱ्यांवर केली जाणारी दंडात्मक कारवाई थांबवावी, विनानोटीस बूथ पाडणे, परवाने रद्द करणे बंद करावे, टेलिफोन बूथ हस्तातंरित प्रकरणे अनेक वर्षांपासून प्रलंबित असून त्यावर उपाय करतानाच लॉटरी पद्धत बंद करण्यात यावी, अशीही मागणी करण्यात आली.
या बैठकीत जोशी यांनी या बूथवर सर्वोच न्यायालयांच्या आदेशानुसार अन्य वस्तू विक्री करण्याची परवानगी द्यावी, दिव्यांगांना तीनचाकी स्कूटर विनामूल्य द्यावी, अशा मागण्याही प्रभावीपणे मांडल्या. त्यावर महापौरांनी त्यातील अनेक मागण्या रास्त असून त्या सोडविण्यात याव्यात, असे मत मांडले. या मागण्या आतापर्यंत प्रलंबित का राहिल्या असा प्रश्न उपस्थित करतानाच त्या मागण्या तातडीने सोडण्यासाठी अहवाल सादर करण्याचेही आदेश दिले.
दिव्यांग बूथचालकांचे प्रश्न तातडीने सोडवण्याचे आश्वासन देतानाच त्यांना पालिका अधिकाऱ्यांकडून विनाकारण त्रास दिल्यास कारवाई करण्याचे आदेश महापौर विश्वनाथ महाडेश्वर यांनी दिले. दिव्यांगाकडून चालविणाऱ्या टेलिफोन बूथसंबंधात अनेक वर्षांपासून भेडसावणाऱ्या समस्येवर तोडगा काढण्यासाठी नुकतीच मुंबई महापालिकेत बैठक झाली. या बैठकीत माजी मुख्यमंत्री आणि शिवसेना सहाय्य सेना व इतर अपंग संस्थांच्या वतीने प्रमुख सल्लागार मनोहर जोशी यांनी सहभाग घेतला. त्यात दिव्यांग बूथचालकांच्या विविध मागण्यांवर चर्चा करण्यात आली.
दिव्यांग बूथचालक हे फेरीवाले नसल्याने त्यांच्या लायसन्सवरील
फेरीवाला हा शब्द काढण्यात यावा अशी मागणी जोशी यांनी केली. त्यासह, या बूथवर अन्य वस्तूंची विक्री करणाऱ्यांवर केली जाणारी दंडात्मक कारवाई थांबवावी, विनानोटीस बूथ पाडणे, परवाने रद्द करणे बंद करावे, टेलिफोन बूथ हस्तातंरित प्रकरणे अनेक वर्षांपासून प्रलंबित असून त्यावर उपाय करतानाच लॉटरी पद्धत बंद करण्यात यावी, अशीही मागणी करण्यात आली.
या बैठकीत जोशी यांनी या बूथवर सर्वोच न्यायालयांच्या आदेशानुसार अन्य वस्तू विक्री करण्याची परवानगी द्यावी, दिव्यांगांना तीनचाकी स्कूटर विनामूल्य द्यावी, अशा मागण्याही प्रभावीपणे मांडल्या. त्यावर महापौरांनी त्यातील अनेक मागण्या रास्त असून त्या सोडविण्यात याव्यात, असे मत मांडले. या मागण्या आतापर्यंत प्रलंबित का राहिल्या असा प्रश्न उपस्थित करतानाच त्या मागण्या तातडीने सोडण्यासाठी अहवाल सादर करण्याचेही आदेश दिले.