म. टा. खास प्रतिनिधी, मुंबई
अभिनेता सलमान खानच्या वांद्रे येथील निवासस्थानासमोर बांधण्यात येत असलेली सार्वजनिक मुतारी हटविण्याचे आदेश महापौर विश्वनाथ महाडेश्वर यांनी दिले असले तरी पालिका प्रशासन मात्र ही मुतारी आहे तिथेच बांधण्यासाठी आग्रही आहे. त्यामुळे यावरून पुन्हा वाद पेटण्याची शक्यता आहे.
सलमान खान हा मुंबई महापालिकेचा स्वच्छ भारत अभियानाचा ब्रॅँण्ड अॅम्बेसेडर आहे. मात्र तरीही प्रसिद्ध कथालेखक सलीम खान आणि ज्येष्ठ अभिनेत्री वहिदा रहेमान यांनी त्यांच्या वांद्रे येथील इमारतीसमोरील जागेत होत असलेल्या सार्वजनिक मुतारीच्या बांधकामाला विरोध केला आहे.
वांद्रे पश्चिमेला गॅलक्सी अपार्टमेंट या सीफेस व्ह्यू असणाऱ्या आठ मजली इमारतीत सलमान आपल्या कुटुंबासह राहतो. सलमानच्या घरापासून प्रोमोनेड सुरू होतो. सकाळ-संध्याकाळी दोन्ही वेळेस येथे गर्दी होते. प्रोमोनेडची बांद्रा बँडस्टँड रहिवासी संघाकडून देखभाल केली जाते. या प्रोमोनेडला आठवड्याला सुमारे तीन लाख लोक भेटी देत असताना येथे एकही सार्वजनिक स्वच्छतागृह नव्हते. त्यामुळे पालिकेने येथे मुतारी उभारण्याचे ठरविले. त्यासाठी खड्डेही खोदण्यात आले. तीन व्यक्तींना सुविधा मिळेल, अशा पोर्टेबल टॅायलेटचा पायाही बसविण्यात आला. मात्र या स्वच्छतागृहाची उभारणी होत असतानाच त्याला विरोध करत सलीम खान व अभिनेत्री वहिदा रहेमान यांनी मुतारीची जागा बदलावी, अशी मागणी करणारा अर्ज मुंबईच्या महापौरांकडे केला. प्रोमोनेडवर नागरिक ध्यान, योगासाठी येतात. मुतारीमुळे हा परिसर अस्वच्छ होईल, असे सलीम यांचे म्हणणे आहे.
पालिकेच्या एच-पश्चिम विभागाच्या अधिकाऱ्यांनी मात्र या भागात मुतारीची आवश्यकता असल्याचे पत्र प्रशासनाला लिहीणार असल्याचे सांगितले. मुतारी बांधल्यानंतर तेथे दुर्गंधी न होण्याची काळजी घेतली जाईल, असे महापौरांना पत्राद्वारे कळविणार असल्याचे या अधिकाऱ्याने स्पष्ट केले.
अभिनेता सलमान खानच्या वांद्रे येथील निवासस्थानासमोर बांधण्यात येत असलेली सार्वजनिक मुतारी हटविण्याचे आदेश महापौर विश्वनाथ महाडेश्वर यांनी दिले असले तरी पालिका प्रशासन मात्र ही मुतारी आहे तिथेच बांधण्यासाठी आग्रही आहे. त्यामुळे यावरून पुन्हा वाद पेटण्याची शक्यता आहे.
सलमान खान हा मुंबई महापालिकेचा स्वच्छ भारत अभियानाचा ब्रॅँण्ड अॅम्बेसेडर आहे. मात्र तरीही प्रसिद्ध कथालेखक सलीम खान आणि ज्येष्ठ अभिनेत्री वहिदा रहेमान यांनी त्यांच्या वांद्रे येथील इमारतीसमोरील जागेत होत असलेल्या सार्वजनिक मुतारीच्या बांधकामाला विरोध केला आहे.
वांद्रे पश्चिमेला गॅलक्सी अपार्टमेंट या सीफेस व्ह्यू असणाऱ्या आठ मजली इमारतीत सलमान आपल्या कुटुंबासह राहतो. सलमानच्या घरापासून प्रोमोनेड सुरू होतो. सकाळ-संध्याकाळी दोन्ही वेळेस येथे गर्दी होते. प्रोमोनेडची बांद्रा बँडस्टँड रहिवासी संघाकडून देखभाल केली जाते. या प्रोमोनेडला आठवड्याला सुमारे तीन लाख लोक भेटी देत असताना येथे एकही सार्वजनिक स्वच्छतागृह नव्हते. त्यामुळे पालिकेने येथे मुतारी उभारण्याचे ठरविले. त्यासाठी खड्डेही खोदण्यात आले. तीन व्यक्तींना सुविधा मिळेल, अशा पोर्टेबल टॅायलेटचा पायाही बसविण्यात आला. मात्र या स्वच्छतागृहाची उभारणी होत असतानाच त्याला विरोध करत सलीम खान व अभिनेत्री वहिदा रहेमान यांनी मुतारीची जागा बदलावी, अशी मागणी करणारा अर्ज मुंबईच्या महापौरांकडे केला. प्रोमोनेडवर नागरिक ध्यान, योगासाठी येतात. मुतारीमुळे हा परिसर अस्वच्छ होईल, असे सलीम यांचे म्हणणे आहे.
पालिकेच्या एच-पश्चिम विभागाच्या अधिकाऱ्यांनी मात्र या भागात मुतारीची आवश्यकता असल्याचे पत्र प्रशासनाला लिहीणार असल्याचे सांगितले. मुतारी बांधल्यानंतर तेथे दुर्गंधी न होण्याची काळजी घेतली जाईल, असे महापौरांना पत्राद्वारे कळविणार असल्याचे या अधिकाऱ्याने स्पष्ट केले.