म. टा. विशेष प्रतिनिधी, मुंबई
अतिवृष्टीच्या काळात समुद्राला येणाऱ्या मोठ्या भरतीच्या वेळेत पावसाच्या पाण्याचा निचरा जलदगतीने होण्यासाठी सुमारे ५०० कोटींहून अधिक रूपये खर्च करून महापालिकेने पंपिंग स्टेशन उभारली आहेत. एकूण आठपैकी सहा पंपिंग सुरू असून त्यापैकी तीन पंपिंग स्टेशन दक्षिण मध्य मुंबईत तर दक्षिण मुंबईतील पाण्याचा निचरा करण्यासाठी ब्रिटानिया पंपिंग असतानाही बुधवारी झालेल्या पावसात सर्वाधिक पाणी याच भागात तुंबल्याने पंपिंग स्टेशनच्या कार्यक्षमेतवर प्रश्नचिन्ह उभे राहिले आहे.
पावसाच्या तुंबणाऱ्या पाण्याचा जलदगतीने निचरा करण्यासाठी ब्रिमस्टोवॅड प्रकल्पात पंपिंग स्टेशनचा उतारा काढण्यात आला. सन २००८ ते २०१९ या कालावधीत इर्ला, हाजी अली, लव्हग्रोव्ह, ब्रिटानिया, क्लिव्हलँड, गझदरबंध ही सहा पंपिंग बांधण्यात आली. तर माहुल व मोगरा पंपिंग स्टेशनसाठी भूसंपादनाची प्रक्रिया तसेच पंपिंग उभारणीसाठी निविदा मागविण्याची प्रक्रिया सुरू आहे. पर्जन्य जलवाहिन्यांमधून येणारे पाणी पंपिंगमधून समुद्रात फेकले जाते. प्रती सेकंदाला सहा लाख लिटर पाणी समुद्रात फेकण्याची पंपिंग स्टेशनांची क्षमता आहे.
पाऊस जोरात सुरू असेल आणि त्याच वेळेस समुद्राला भरती असेल तर समुद्र आपल्या पोटात बाहेरचे पाणी घेत नाही. परिणामी तुंबलेल्या पाण्याचा निचरा होत नाही व पाणी पातळी वाढून ते मोठ्या प्रमाणावर शहरात तुंबते. तसेच अपेक्षेपेक्षा म्हणजे ५० मिमीपेक्षा मोठा पाऊस पडला तर पर्जन्य जलवाहिन्यांच्या पाणी वाहून नेण्याच्या गतीवर परिणाम होतो. अशी सर्वसाधारण पंपिंगची काम करण्याची पद्धत आहे. बुधवारी तीन ते चार तासांत सुमारे ३०० मिमी पाऊस पडला. त्यामुळे पाणी वाहून नेण्यात अडथळा आला, असा दावा पालिकेने केला आहे.
पालिकेने उभारलेल्या सहा पंपिंग स्टेशनपैकी हाजी अली, लव्हग्रोव्ह आणि क्लिव्हलँड ही तीन पंपिंग दक्षिण मध्य मुंबईत आहेत. बुधवारी सर्वाधिक पाऊस कुलाबा, नरीमन पॉईंट, फोर्ट, चर्चगेट या दक्षिण मुंबईतील भागात पडला. या परिसरातील तुंबलेल्या पाण्याचा निचरा करण्यासाठी ब्रिटानिया पंपिंग स्टेशन हे उपयुक्त होते. बुधवारी संध्याकाळी समुद्रात भरती नसतानाही या परिसरातील पाण्याचा निचरा होण्यासाठी तब्बल चार तासांहून अधिक वेळ लागल्याने पंपिंग स्टेशनची कार्यक्षमता तपासून घ्यायला हवी, अशी मागणी पालिकेतील विरोधी पक्षाने प्रशासनाकडे केली आहे.
पंपिंग स्टेशन आणि पाणी निचरा करण्याची जबाबदारी
इर्ला : अंधेरी, विलेपार्ले, जोगेश्वरी, गोरेगाव
लव्हग्रोव्ह : दादर, वरळी, माटुंगा, प्रभादवी
हाजी अली : वरळी, ताडदेव, मुंबई सेंट्रल, ग्रँट रोड
क्लिव्हलँड : दादर, माहीम, वांद्रे, खार
ब्रिटानिया : परळ, डॉकयार्ड, कुलाबा, नरीमन पॉईंट
गझदरबंध : साकीनाका, कुर्ला, घाटकोपर, मुलुंड
सर्व पंपिंग स्टेशन पूर्ण क्षमतेने काम करत आहेत. बुधवारी २५० मिमीपेक्षा अधिक पाऊस पडला. त्यातही दक्षिण मुंबईत जास्त पाऊस पडला. प्रमाणापेक्षा अधिक पाऊस पडल्यास पंपिंगच्या पाणी उपसा करण्यावर थोडा परिणाम होणे क्रमप्राप्त आहे.
-पी. वेलरसू, अतिरिक्त आयुक्त मुंबई महापालिका
अतिवृष्टीच्या काळात समुद्राला येणाऱ्या मोठ्या भरतीच्या वेळेत पावसाच्या पाण्याचा निचरा जलदगतीने होण्यासाठी सुमारे ५०० कोटींहून अधिक रूपये खर्च करून महापालिकेने पंपिंग स्टेशन उभारली आहेत. एकूण आठपैकी सहा पंपिंग सुरू असून त्यापैकी तीन पंपिंग स्टेशन दक्षिण मध्य मुंबईत तर दक्षिण मुंबईतील पाण्याचा निचरा करण्यासाठी ब्रिटानिया पंपिंग असतानाही बुधवारी झालेल्या पावसात सर्वाधिक पाणी याच भागात तुंबल्याने पंपिंग स्टेशनच्या कार्यक्षमेतवर प्रश्नचिन्ह उभे राहिले आहे.
पावसाच्या तुंबणाऱ्या पाण्याचा जलदगतीने निचरा करण्यासाठी ब्रिमस्टोवॅड प्रकल्पात पंपिंग स्टेशनचा उतारा काढण्यात आला. सन २००८ ते २०१९ या कालावधीत इर्ला, हाजी अली, लव्हग्रोव्ह, ब्रिटानिया, क्लिव्हलँड, गझदरबंध ही सहा पंपिंग बांधण्यात आली. तर माहुल व मोगरा पंपिंग स्टेशनसाठी भूसंपादनाची प्रक्रिया तसेच पंपिंग उभारणीसाठी निविदा मागविण्याची प्रक्रिया सुरू आहे. पर्जन्य जलवाहिन्यांमधून येणारे पाणी पंपिंगमधून समुद्रात फेकले जाते. प्रती सेकंदाला सहा लाख लिटर पाणी समुद्रात फेकण्याची पंपिंग स्टेशनांची क्षमता आहे.
पाऊस जोरात सुरू असेल आणि त्याच वेळेस समुद्राला भरती असेल तर समुद्र आपल्या पोटात बाहेरचे पाणी घेत नाही. परिणामी तुंबलेल्या पाण्याचा निचरा होत नाही व पाणी पातळी वाढून ते मोठ्या प्रमाणावर शहरात तुंबते. तसेच अपेक्षेपेक्षा म्हणजे ५० मिमीपेक्षा मोठा पाऊस पडला तर पर्जन्य जलवाहिन्यांच्या पाणी वाहून नेण्याच्या गतीवर परिणाम होतो. अशी सर्वसाधारण पंपिंगची काम करण्याची पद्धत आहे. बुधवारी तीन ते चार तासांत सुमारे ३०० मिमी पाऊस पडला. त्यामुळे पाणी वाहून नेण्यात अडथळा आला, असा दावा पालिकेने केला आहे.
पालिकेने उभारलेल्या सहा पंपिंग स्टेशनपैकी हाजी अली, लव्हग्रोव्ह आणि क्लिव्हलँड ही तीन पंपिंग दक्षिण मध्य मुंबईत आहेत. बुधवारी सर्वाधिक पाऊस कुलाबा, नरीमन पॉईंट, फोर्ट, चर्चगेट या दक्षिण मुंबईतील भागात पडला. या परिसरातील तुंबलेल्या पाण्याचा निचरा करण्यासाठी ब्रिटानिया पंपिंग स्टेशन हे उपयुक्त होते. बुधवारी संध्याकाळी समुद्रात भरती नसतानाही या परिसरातील पाण्याचा निचरा होण्यासाठी तब्बल चार तासांहून अधिक वेळ लागल्याने पंपिंग स्टेशनची कार्यक्षमता तपासून घ्यायला हवी, अशी मागणी पालिकेतील विरोधी पक्षाने प्रशासनाकडे केली आहे.
पंपिंग स्टेशन आणि पाणी निचरा करण्याची जबाबदारी
इर्ला : अंधेरी, विलेपार्ले, जोगेश्वरी, गोरेगाव
लव्हग्रोव्ह : दादर, वरळी, माटुंगा, प्रभादवी
हाजी अली : वरळी, ताडदेव, मुंबई सेंट्रल, ग्रँट रोड
क्लिव्हलँड : दादर, माहीम, वांद्रे, खार
ब्रिटानिया : परळ, डॉकयार्ड, कुलाबा, नरीमन पॉईंट
गझदरबंध : साकीनाका, कुर्ला, घाटकोपर, मुलुंड
सर्व पंपिंग स्टेशन पूर्ण क्षमतेने काम करत आहेत. बुधवारी २५० मिमीपेक्षा अधिक पाऊस पडला. त्यातही दक्षिण मुंबईत जास्त पाऊस पडला. प्रमाणापेक्षा अधिक पाऊस पडल्यास पंपिंगच्या पाणी उपसा करण्यावर थोडा परिणाम होणे क्रमप्राप्त आहे.
-पी. वेलरसू, अतिरिक्त आयुक्त मुंबई महापालिका