म. टा. विशेष प्रतिनिधी, मुंबई:
आरोग्य, वैद्यकीय शिक्षण यांच्यासह सर्वच शासकीय विभागांनी औषधे व यंत्रसामुग्री हाफकिन महामंडळामार्फतच खरेदी करावी. याबाबतचा प्रस्ताव मंत्रिमंडळाच्या पुढील बैठकीत सादर करावा, असे निर्देश मुख्यमंत्री देवेंद्र फडणवीस यांनी गुरुवारी दिले.
औषधे व यंत्र सामुग्री खरेदीसंदर्भात वर्षा निवासस्थानी झालेल्या बैठकीत मुख्यमंत्री बोलत होते. वैद्यकीय शिक्षण मंत्री गिरीश महाजन, अन्न व औषध प्रशासन विभाग मंत्री गिरीश बापट, आरोग्य मंत्री डॉ. दीपक सावंत यावेळी उपस्थित होते.
मुख्यमंत्री म्हणाले, आरोग्य, वैद्यकीय शिक्षण या बरोबरच आदिवासी विकास विभाग, महिला व बालविकास विभाग, शिक्षण विभाग, शासकीय मंडळांना लागणारी औषधे व यंत्रसामुग्री यासाठी हाफकिन महामंडळामध्ये खरेदी कक्ष स्थापन करण्यात आला आहे. यापुढे कुठलाही विभाग औषध खरेदी हाफकिन महामंडळाव्यतिरिक्त अन्यत्र करणार नाही. याबाबतचा प्रस्ताव मंत्रिमंडळाच्या पुढील बैठकीत सादर करावा, अशा सूचना देत औषधांची मागणी, पुरवठा व वापर यांची सांगड घालणारे मोड्युल तयार करावे, अशा सूचनाही मुख्यमंत्र्यांनी दिल्या.
प्रत्येक विभागाने औषध खरेदीची तालिका तयार करावी, सार्वजनिक आरोग्य विभाग वापर करीत असलेल्या ‘ई-औषधी’ या सॉफ्टवेअरचा वैद्यकीय शिक्षण विभागानेदेखील अवलंब करावा. त्याचबरोबर दोन्ही विभागांनी आपली यंत्रणा डिजिटल प्लटफॉर्मवर आणावी. हाफकीन महामंडळातील खरेदी कक्षासाठी मनुष्यबळ उपलब्ध करून द्यावे व त्याबाबत आकृतीबंध तयार करावा, अशी सूचनादेखील मुख्यमंत्र्यांनी यावेळी केली.
आरोग्य, वैद्यकीय शिक्षण यांच्यासह सर्वच शासकीय विभागांनी औषधे व यंत्रसामुग्री हाफकिन महामंडळामार्फतच खरेदी करावी. याबाबतचा प्रस्ताव मंत्रिमंडळाच्या पुढील बैठकीत सादर करावा, असे निर्देश मुख्यमंत्री देवेंद्र फडणवीस यांनी गुरुवारी दिले.
औषधे व यंत्र सामुग्री खरेदीसंदर्भात वर्षा निवासस्थानी झालेल्या बैठकीत मुख्यमंत्री बोलत होते. वैद्यकीय शिक्षण मंत्री गिरीश महाजन, अन्न व औषध प्रशासन विभाग मंत्री गिरीश बापट, आरोग्य मंत्री डॉ. दीपक सावंत यावेळी उपस्थित होते.
मुख्यमंत्री म्हणाले, आरोग्य, वैद्यकीय शिक्षण या बरोबरच आदिवासी विकास विभाग, महिला व बालविकास विभाग, शिक्षण विभाग, शासकीय मंडळांना लागणारी औषधे व यंत्रसामुग्री यासाठी हाफकिन महामंडळामध्ये खरेदी कक्ष स्थापन करण्यात आला आहे. यापुढे कुठलाही विभाग औषध खरेदी हाफकिन महामंडळाव्यतिरिक्त अन्यत्र करणार नाही. याबाबतचा प्रस्ताव मंत्रिमंडळाच्या पुढील बैठकीत सादर करावा, अशा सूचना देत औषधांची मागणी, पुरवठा व वापर यांची सांगड घालणारे मोड्युल तयार करावे, अशा सूचनाही मुख्यमंत्र्यांनी दिल्या.
प्रत्येक विभागाने औषध खरेदीची तालिका तयार करावी, सार्वजनिक आरोग्य विभाग वापर करीत असलेल्या ‘ई-औषधी’ या सॉफ्टवेअरचा वैद्यकीय शिक्षण विभागानेदेखील अवलंब करावा. त्याचबरोबर दोन्ही विभागांनी आपली यंत्रणा डिजिटल प्लटफॉर्मवर आणावी. हाफकीन महामंडळातील खरेदी कक्षासाठी मनुष्यबळ उपलब्ध करून द्यावे व त्याबाबत आकृतीबंध तयार करावा, अशी सूचनादेखील मुख्यमंत्र्यांनी यावेळी केली.