म. टा. विशेष प्रतिनिधी, मुंबई
लोकसभा निवडणुकीनंतर काँग्रेसच्या अध्यक्षपदाचा राजीनामा देऊन राजकीय पटलावर कमीत कमी दिसण्याचा प्रयत्न करणाऱ्या राहुल गांधी यांची १३ ऑक्टोबर रोजी धारावी येथे जाहीर सभा होणार आहे. यापूर्वी काँग्रेस अध्यक्षांच्या सभा या मतदारसंघनिहाय व्हायच्या नाहीत. मात्र काँग्रेसची घटलेली ताकद पाहता आता शिवाजी पार्कसारखे मैदान भरणे हे मुंबई काँग्रेसच्या नेत्यांना शक्य होणे कठीण आहे. त्यामुळेच राहुल यांची सभा मुंबई काँग्रेस अध्यक्ष एकनाथ गायकवाड यांच्या कन्या वर्षा गायकवाड यांच्या धारावी या मतदारसंघात होणार आहे.
खासदार राहुल गांधी रविवारी, १३ ऑक्टोबर २०१९ रोजी मुंबईत प्रचारसभा घेणार आहेत. मुंबईतील धारावी येथे सायंकाळी चार वाजता या प्रचारसभेचे आयोजन करण्यात आले आहे. या प्रचारसभेच्या माध्यमातून काँग्रेसचे विकासाचे मुद्दे सामान्य जनतेसमोर पोहोचवणार आहेत, तसेच विरोधकांचाही समाचार घेणार आहेत, अशी माहिती मुंबई काँग्रेसचे अध्यक्ष एकनाथ गायकवाड यांनी आज घेण्यात आलेल्या पत्रकार परिषदेत दिली. एकनाथ गायकवाड म्हणाले की, विधानसभा निवडणुकीच्या पार्श्वभूमीवर काँग्रेसच्या राष्ट्रीय अध्यक्षा सोनिया गांधी यादेखील मुंबईचा दौरा करणार आहेत. तसेच काँग्रेसच्या महासचिव प्रियांका गांधी यांनीदेखील मुंबईमध्ये प्रचारसभा घ्याव्यात, अशी विनंती त्यांना करणार असल्याचे एकनाथ गायकवाड यांनी सांगितले.
लोकसभा निवडणुकीनंतर काँग्रेसच्या अध्यक्षपदाचा राजीनामा देऊन राजकीय पटलावर कमीत कमी दिसण्याचा प्रयत्न करणाऱ्या राहुल गांधी यांची १३ ऑक्टोबर रोजी धारावी येथे जाहीर सभा होणार आहे. यापूर्वी काँग्रेस अध्यक्षांच्या सभा या मतदारसंघनिहाय व्हायच्या नाहीत. मात्र काँग्रेसची घटलेली ताकद पाहता आता शिवाजी पार्कसारखे मैदान भरणे हे मुंबई काँग्रेसच्या नेत्यांना शक्य होणे कठीण आहे. त्यामुळेच राहुल यांची सभा मुंबई काँग्रेस अध्यक्ष एकनाथ गायकवाड यांच्या कन्या वर्षा गायकवाड यांच्या धारावी या मतदारसंघात होणार आहे.
खासदार राहुल गांधी रविवारी, १३ ऑक्टोबर २०१९ रोजी मुंबईत प्रचारसभा घेणार आहेत. मुंबईतील धारावी येथे सायंकाळी चार वाजता या प्रचारसभेचे आयोजन करण्यात आले आहे. या प्रचारसभेच्या माध्यमातून काँग्रेसचे विकासाचे मुद्दे सामान्य जनतेसमोर पोहोचवणार आहेत, तसेच विरोधकांचाही समाचार घेणार आहेत, अशी माहिती मुंबई काँग्रेसचे अध्यक्ष एकनाथ गायकवाड यांनी आज घेण्यात आलेल्या पत्रकार परिषदेत दिली. एकनाथ गायकवाड म्हणाले की, विधानसभा निवडणुकीच्या पार्श्वभूमीवर काँग्रेसच्या राष्ट्रीय अध्यक्षा सोनिया गांधी यादेखील मुंबईचा दौरा करणार आहेत. तसेच काँग्रेसच्या महासचिव प्रियांका गांधी यांनीदेखील मुंबईमध्ये प्रचारसभा घ्याव्यात, अशी विनंती त्यांना करणार असल्याचे एकनाथ गायकवाड यांनी सांगितले.