म. टा. खास प्रतिनिधी, मुंबई:
एल्फिन्स्टन पूल दुर्घटनेनंतर हाती घेण्यात आलेल्या उपायांसोबतच मुंबईत सुरू असलेल्या विविध प्रकल्पांचा आढावा रेल्वे बोर्ड अध्यक्ष अश्वनी लोहाणी उद्या, शुक्रवारी घेणार आहेत. या मुंबई दौऱ्यात प्रकल्पांची सद्यस्थिती समजून घेतानाच ते वरिष्ठ अधिकाऱ्यांशी चर्चा करणार आहेत. त्या पार्श्वभूमीवर आज, गुरुवारी पश्चिम, मध्य रेल्वेप्रमाणेच मुंबई रेल्वे विकास महामंडळ (एमआरव्हीसी) यंत्रणांची बैठक होणार आहे.
मध्य रेल्वेवरील दिवा ते ठाणे पाचवी आणि सहावी मार्गिका, पश्चिम रेल्वेवरील हार्बरचा गोरेगावपर्यंत विस्तार, एसी लोकलसह परळ-एल्फिन्स्टन येथील लष्कराकडून उभारला जाणारा जोड पूल, करीरोड, आंबिवली स्थानकातील पादचारी पुलासह अन्य प्रकल्पांचा आढावा घेतला जाणार आहे. एमआरव्हीसीच्या सीएसएमटी ते पनवेल उन्नत मार्ग, विरार-वसई-पनवेल मार्ग, विरार ते डहाणू चौपदरीकरण, बोरिवली ते विरार पाचवी-सहावी मार्गिका, कल्याण ते आसनगाव चौथा मार्ग, कल्याण ते बदलापूरसाठी दोन मार्गिका या प्रस्तावित प्रकल्पांविषयी चर्चा केली जाणार असल्याचे समजते.
त्यासह मध्य रेल्वेचे मुख्यालय असलेल्या आणि जागतिक वारसा हक्क लाभलेल्या सीएसएमटीच्या दुमजली इमारतीचे वास्तुसंग्रहालयात रुपांतर करण्याची सूचना रेल्वेमंत्री पियुष गोयल यांनी केली आहे. त्यासंदर्भातही अधिकाऱ्यांबरोबर वेगवेगळ्या मुद्द्यांवर चर्चा होणार आहे.
एल्फिन्स्टन पूल दुर्घटनेनंतर हाती घेण्यात आलेल्या उपायांसोबतच मुंबईत सुरू असलेल्या विविध प्रकल्पांचा आढावा रेल्वे बोर्ड अध्यक्ष अश्वनी लोहाणी उद्या, शुक्रवारी घेणार आहेत. या मुंबई दौऱ्यात प्रकल्पांची सद्यस्थिती समजून घेतानाच ते वरिष्ठ अधिकाऱ्यांशी चर्चा करणार आहेत. त्या पार्श्वभूमीवर आज, गुरुवारी पश्चिम, मध्य रेल्वेप्रमाणेच मुंबई रेल्वे विकास महामंडळ (एमआरव्हीसी) यंत्रणांची बैठक होणार आहे.
मध्य रेल्वेवरील दिवा ते ठाणे पाचवी आणि सहावी मार्गिका, पश्चिम रेल्वेवरील हार्बरचा गोरेगावपर्यंत विस्तार, एसी लोकलसह परळ-एल्फिन्स्टन येथील लष्कराकडून उभारला जाणारा जोड पूल, करीरोड, आंबिवली स्थानकातील पादचारी पुलासह अन्य प्रकल्पांचा आढावा घेतला जाणार आहे. एमआरव्हीसीच्या सीएसएमटी ते पनवेल उन्नत मार्ग, विरार-वसई-पनवेल मार्ग, विरार ते डहाणू चौपदरीकरण, बोरिवली ते विरार पाचवी-सहावी मार्गिका, कल्याण ते आसनगाव चौथा मार्ग, कल्याण ते बदलापूरसाठी दोन मार्गिका या प्रस्तावित प्रकल्पांविषयी चर्चा केली जाणार असल्याचे समजते.
त्यासह मध्य रेल्वेचे मुख्यालय असलेल्या आणि जागतिक वारसा हक्क लाभलेल्या सीएसएमटीच्या दुमजली इमारतीचे वास्तुसंग्रहालयात रुपांतर करण्याची सूचना रेल्वेमंत्री पियुष गोयल यांनी केली आहे. त्यासंदर्भातही अधिकाऱ्यांबरोबर वेगवेगळ्या मुद्द्यांवर चर्चा होणार आहे.