म. टा. प्रतिनिधी, मुंबई
धावत्या लोकलमधील महिला डब्यावर होणाऱ्या हल्ल्यांत जखमी होणाऱ्या प्रवाशांना लवकरच आर्थिक मदत मिळण्याची शक्यता आहे. सध्या अशा हल्ल्यांमध्ये जखमी झालेल्या प्रवाशांना आर्थिक मदत देण्याची तरतूद रेल्वे प्रशासनाकडे नाही. यामुळे यासंदर्भात काही धोरणात्मक बदल करणे गरजेचे असून यासंदर्भात रेल्वेमंत्री पीयूष गोयल यांच्याशी चर्चा करून महिला प्रवाशांना दिलासा देण्यात येईल, असे शिवसेनेच्या ज्येष्ठ नेत्या नीलम गोऱ्हे यांनी स्पष्ट केले.
रेल्वे प्रवासादरम्यान महिलांना अनेकदा लक्ष्य करण्यात येते. वैद्यकीय तपासण्या आणि औषधोपचार महाग असल्याने उसनवारी करून प्रवासी उपचार घेतात. उपचार सुरू असताना नोकरीवर जाणेही शक्य नसल्याने त्यांना दुहेरी भुर्दंड सहन करावा लागतो. या अडचणींवर मात करण्यासाठी गोऱ्हे यांनी रेल्वे अधिकाऱ्यांसह रेल्वे पोलिस आणि रेल्वे सुरक्षा बलातील वरिष्ठ अधिकाऱ्यांची नुकतीच बैठक बोलावली होती.
रेल्वे प्रवाशांना आर्थिक मदत करण्याबाबतचे काम वाणिज्य विभागाचे असते. चोरीच्या उद्देशाने झालेल्या हल्ल्यात जखमी होणाऱ्या प्रवाशांना आर्थिक मदत करण्याबाबत रेल्वे प्रशासनाकडे सध्या कोणतीही तरतूद नाही. आर्थिक मदत करण्याबाबत धोरणात्मक निर्णयाची गरज आहे, अशी माहिती रेल्वे अधिकाऱ्यांनी दिली.
बॉम्बस्फोट अथवा अन्य दुर्घटनेत प्रवाशाचा मृत्यू आणि जखमी झाल्यास त्याला मदत जाहीर करण्यात येते. मात्र, समाजकंटकाच्या हल्ल्यामुळे महिला प्रवाशांची काही चूक नसताना त्यांना त्रास सहन करावा लागतो. याबाबत रेल्वेमंत्री पीयूष गोयल यांना पत्र लिहणार असल्याचे गोऱ्हे यांनी सांगितले.
बैठकीत रेल्वे पोलिस उपायुक्त एम. एम. मकानदार, पश्चिम रेल्वेचे विभागीय सुरक्षा आयुक्त एस. आर. गांधी, मध्य रेल्वेचे सुरक्षा आयुक्त के. गुरव, आणि ठाणे रेल्वे पोलिस ठाण्याच्या वरिष्ठ पोलिस निरीक्षक स्मिता ढाकणे उपस्थित होत्या.
चोरीच्या उद्देशाने हल्ले
लोकलमधून प्रवास करताना महिला डब्यांवर दगड, रिकामी दारूची बाटली, अन्य वस्तू फेकल्या जातात. मोबाइल, घड्याळ किंवा बॅग चोरीच्या उद्देशाने या वस्तू फेकल्या जातात, अशी माहिती रेल्वे पोलिसांनी दिली.
धावत्या लोकलमधील महिला डब्यावर होणाऱ्या हल्ल्यांत जखमी होणाऱ्या प्रवाशांना लवकरच आर्थिक मदत मिळण्याची शक्यता आहे. सध्या अशा हल्ल्यांमध्ये जखमी झालेल्या प्रवाशांना आर्थिक मदत देण्याची तरतूद रेल्वे प्रशासनाकडे नाही. यामुळे यासंदर्भात काही धोरणात्मक बदल करणे गरजेचे असून यासंदर्भात रेल्वेमंत्री पीयूष गोयल यांच्याशी चर्चा करून महिला प्रवाशांना दिलासा देण्यात येईल, असे शिवसेनेच्या ज्येष्ठ नेत्या नीलम गोऱ्हे यांनी स्पष्ट केले.
रेल्वे प्रवासादरम्यान महिलांना अनेकदा लक्ष्य करण्यात येते. वैद्यकीय तपासण्या आणि औषधोपचार महाग असल्याने उसनवारी करून प्रवासी उपचार घेतात. उपचार सुरू असताना नोकरीवर जाणेही शक्य नसल्याने त्यांना दुहेरी भुर्दंड सहन करावा लागतो. या अडचणींवर मात करण्यासाठी गोऱ्हे यांनी रेल्वे अधिकाऱ्यांसह रेल्वे पोलिस आणि रेल्वे सुरक्षा बलातील वरिष्ठ अधिकाऱ्यांची नुकतीच बैठक बोलावली होती.
रेल्वे प्रवाशांना आर्थिक मदत करण्याबाबतचे काम वाणिज्य विभागाचे असते. चोरीच्या उद्देशाने झालेल्या हल्ल्यात जखमी होणाऱ्या प्रवाशांना आर्थिक मदत करण्याबाबत रेल्वे प्रशासनाकडे सध्या कोणतीही तरतूद नाही. आर्थिक मदत करण्याबाबत धोरणात्मक निर्णयाची गरज आहे, अशी माहिती रेल्वे अधिकाऱ्यांनी दिली.
बॉम्बस्फोट अथवा अन्य दुर्घटनेत प्रवाशाचा मृत्यू आणि जखमी झाल्यास त्याला मदत जाहीर करण्यात येते. मात्र, समाजकंटकाच्या हल्ल्यामुळे महिला प्रवाशांची काही चूक नसताना त्यांना त्रास सहन करावा लागतो. याबाबत रेल्वेमंत्री पीयूष गोयल यांना पत्र लिहणार असल्याचे गोऱ्हे यांनी सांगितले.
बैठकीत रेल्वे पोलिस उपायुक्त एम. एम. मकानदार, पश्चिम रेल्वेचे विभागीय सुरक्षा आयुक्त एस. आर. गांधी, मध्य रेल्वेचे सुरक्षा आयुक्त के. गुरव, आणि ठाणे रेल्वे पोलिस ठाण्याच्या वरिष्ठ पोलिस निरीक्षक स्मिता ढाकणे उपस्थित होत्या.
चोरीच्या उद्देशाने हल्ले
लोकलमधून प्रवास करताना महिला डब्यांवर दगड, रिकामी दारूची बाटली, अन्य वस्तू फेकल्या जातात. मोबाइल, घड्याळ किंवा बॅग चोरीच्या उद्देशाने या वस्तू फेकल्या जातात, अशी माहिती रेल्वे पोलिसांनी दिली.