मुंबई:
मुंबई आणि पुण्यात मराठी तरुणांना रेल्वे भरतीच्या परीक्षेतून डावलण्याची धक्कादायक माहिती पुढे आली आहे. या घटनेनंतर शिवसैनिकांनी रेल्वे भरती बोर्डावर धडक देत जोरदार आंदोलन केलं. मुंबईत मुंबई सेंट्रल रेल्वे स्थानकात घुसून तर पुण्यात रेल्वे भरती बोर्डाच्या चेअरमनच्या दालनात घुसून शिवसैनिकांनी जोरदार घोषणाबाजी करत निषेध नोंदवला. त्यामुळे रेल्वे प्रशासनाचे धाबे दणाणून गेले होते.
रेल्वेमधील नोकर भरतीत मराठी उमेदवारांवर सातत्याने होणाऱ्या अन्यायाविरोधात शिवसेनेच्या स्थानीय लोकाधिकार समितीने आज मुंबई सेंट्रल स्थानकात जोरदार निदर्शने करत रेल्वे प्रशासनाचा निषेध नोंदवला. यावेळी शिवसेनेचे खासदार अनिल देसाई, आमदार सुनील शिंदे आणि शिवसेना विभागप्रमुख पांडुरंग सकपाळ उपस्थित होते. रेल्वे भरतीतून मराठी तरुणांना डावलल्यास रेल्वे प्रशासनाविरोधात आणखी उग्र आंदोलन करण्यात येईल, असा इशाराही यावेळी देण्यात आला.
तर, पुण्यातील नर्हे केंद्रावरही परीक्षा देण्यास गेलेल्या मराठी तरुणांना परीक्षा देण्यास मज्जाव करण्यात आल्याने स्थानीय लोकाधिकार समितीच्या कार्यकर्त्यांनी रेल्वे भरती बोर्डाचे चेअरमन गोपाल चंद्रा यांच्या कार्यालयात घुसून जोरदार निदर्शने केली. आज परीक्षेपासून वंचित ठेवण्यात आलेल्या तरुणांची पुन्हा परीक्षा घेण्यात यावी तसेच दोषी अधिकाऱ्यांवर कारवाई करण्यात यावी अशी मागणी यावेळी करण्यात आली. दरम्यान, रेल्वे भरती बोर्डाने 'ड' श्रेणीच्या ६४ हजार जागांसाठी बुधवारपासून देशभरात ऑनलाइन परीक्षा सुरू केली आहे.
मुंबई आणि पुण्यात मराठी तरुणांना रेल्वे भरतीच्या परीक्षेतून डावलण्याची धक्कादायक माहिती पुढे आली आहे. या घटनेनंतर शिवसैनिकांनी रेल्वे भरती बोर्डावर धडक देत जोरदार आंदोलन केलं. मुंबईत मुंबई सेंट्रल रेल्वे स्थानकात घुसून तर पुण्यात रेल्वे भरती बोर्डाच्या चेअरमनच्या दालनात घुसून शिवसैनिकांनी जोरदार घोषणाबाजी करत निषेध नोंदवला. त्यामुळे रेल्वे प्रशासनाचे धाबे दणाणून गेले होते.
रेल्वेमधील नोकर भरतीत मराठी उमेदवारांवर सातत्याने होणाऱ्या अन्यायाविरोधात शिवसेनेच्या स्थानीय लोकाधिकार समितीने आज मुंबई सेंट्रल स्थानकात जोरदार निदर्शने करत रेल्वे प्रशासनाचा निषेध नोंदवला. यावेळी शिवसेनेचे खासदार अनिल देसाई, आमदार सुनील शिंदे आणि शिवसेना विभागप्रमुख पांडुरंग सकपाळ उपस्थित होते. रेल्वे भरतीतून मराठी तरुणांना डावलल्यास रेल्वे प्रशासनाविरोधात आणखी उग्र आंदोलन करण्यात येईल, असा इशाराही यावेळी देण्यात आला.
तर, पुण्यातील नर्हे केंद्रावरही परीक्षा देण्यास गेलेल्या मराठी तरुणांना परीक्षा देण्यास मज्जाव करण्यात आल्याने स्थानीय लोकाधिकार समितीच्या कार्यकर्त्यांनी रेल्वे भरती बोर्डाचे चेअरमन गोपाल चंद्रा यांच्या कार्यालयात घुसून जोरदार निदर्शने केली. आज परीक्षेपासून वंचित ठेवण्यात आलेल्या तरुणांची पुन्हा परीक्षा घेण्यात यावी तसेच दोषी अधिकाऱ्यांवर कारवाई करण्यात यावी अशी मागणी यावेळी करण्यात आली. दरम्यान, रेल्वे भरती बोर्डाने 'ड' श्रेणीच्या ६४ हजार जागांसाठी बुधवारपासून देशभरात ऑनलाइन परीक्षा सुरू केली आहे.