damodar,vyas@timesgroup.com
मुंबई
मध्य रेल्वेच्या स्टॉलवर तसेच प्रवासादरम्यान मिळणाऱ्या खाद्यपदार्थांवर जादा दर आकारले जाऊ नयेत यासाठी 'बिल नसल्यास पदार्थ मोफत' ही योजना अमलात आणली जाणार आहे. रेल्वे मंत्रालयाच्या या धोरणाच्या अनुषंगाने मध्य रेल्वेने सर्व केटरिंग लायसन्सधारकांना ३१ ऑगस्टपर्यंत बिल नसल्यास खाद्यपदार्थ मोफत' असे स्टिकर लावण्याचे आदेश देण्यात आले आहेत. ३१ ऑगस्टपर्यंत सर्व स्टॉलवर ई-बिल मशीन वा पॉइंट ऑफ सेल (पीओएस) मशीन्स बसवण्यास सांगण्यात आले आहे.
रेल्वे स्टॉल्सवर खाद्यपदार्थांच्या निश्चित दरांपेक्षा जास्त दर आकारले जात असल्यास त्यावर निर्बंध आणण्यासाठी ही योजना राबवली जात असल्याचे रेल्वेतर्फे स्पष्ट करण्यात आले आहे. स्टॉलवर बिल उपलब्ध झाल्यास जादा दर आकारले जाणार नाही, असा रेल्वेचा दावा आहे. एप्रिल २०१७ ते ऑक्टोबर २०१७पर्यंत जादा दर आकारण्याच्या सुमारे सात हजार तक्रारी नोंदवण्यात आल्या. त्याची दखल घेऊन रेल्वेने हे परिपत्रक जारी केले.
पश्चिम रेल्वेने केटरिंगसंदर्भात तक्रारींसाठी ९००४४९९७३३ हा फोन क्रमांक उपलब्ध केला असून ३५०पैकी २५० स्टॉल्सवर ई-बिलिंग मशीन बसवण्यात आली आहेत. ३१ ऑगस्टपर्यंत सर्व स्थानकांवर ही मशीन बसवण्याचे आदेश दिल्याचे पश्चिम रेल्वेच्या वरिष्ठ विभागीय कमर्शिअल व्यवस्थापक आरती सिंह-परिहार यांनी सांगितले. जास्त दर आकारणाऱ्यांचे लायसन्सही रद्द होऊ शकतात, असेही त्या म्हणाल्या.
मुंबई
मध्य रेल्वेच्या स्टॉलवर तसेच प्रवासादरम्यान मिळणाऱ्या खाद्यपदार्थांवर जादा दर आकारले जाऊ नयेत यासाठी 'बिल नसल्यास पदार्थ मोफत' ही योजना अमलात आणली जाणार आहे. रेल्वे मंत्रालयाच्या या धोरणाच्या अनुषंगाने मध्य रेल्वेने सर्व केटरिंग लायसन्सधारकांना ३१ ऑगस्टपर्यंत बिल नसल्यास खाद्यपदार्थ मोफत' असे स्टिकर लावण्याचे आदेश देण्यात आले आहेत. ३१ ऑगस्टपर्यंत सर्व स्टॉलवर ई-बिल मशीन वा पॉइंट ऑफ सेल (पीओएस) मशीन्स बसवण्यास सांगण्यात आले आहे.
रेल्वे स्टॉल्सवर खाद्यपदार्थांच्या निश्चित दरांपेक्षा जास्त दर आकारले जात असल्यास त्यावर निर्बंध आणण्यासाठी ही योजना राबवली जात असल्याचे रेल्वेतर्फे स्पष्ट करण्यात आले आहे. स्टॉलवर बिल उपलब्ध झाल्यास जादा दर आकारले जाणार नाही, असा रेल्वेचा दावा आहे. एप्रिल २०१७ ते ऑक्टोबर २०१७पर्यंत जादा दर आकारण्याच्या सुमारे सात हजार तक्रारी नोंदवण्यात आल्या. त्याची दखल घेऊन रेल्वेने हे परिपत्रक जारी केले.
पश्चिम रेल्वेने केटरिंगसंदर्भात तक्रारींसाठी ९००४४९९७३३ हा फोन क्रमांक उपलब्ध केला असून ३५०पैकी २५० स्टॉल्सवर ई-बिलिंग मशीन बसवण्यात आली आहेत. ३१ ऑगस्टपर्यंत सर्व स्थानकांवर ही मशीन बसवण्याचे आदेश दिल्याचे पश्चिम रेल्वेच्या वरिष्ठ विभागीय कमर्शिअल व्यवस्थापक आरती सिंह-परिहार यांनी सांगितले. जास्त दर आकारणाऱ्यांचे लायसन्सही रद्द होऊ शकतात, असेही त्या म्हणाल्या.