Rain Forecast : मुंबई, ठाणे, कोकणासह आज साताऱ्यात पाऊस; घाटमाथ्यावर मुसळधार

मुंबई : गेल्या काही दिवसांपासून मुंबई-ठाण्यात पावसाच्या सरी बरसत अजून पुणे शहरालाही पावसाने चांगलेच झोडपले आहे. संपूर्ण राज्यातील विविध जिल्ह्यांमध्ये हलका ते मध्यम स्वरुपाचा पाऊस कोसळत आहे. आज बुधवारसाठीही भारतीय हवामान विभागाने पावसाबाबत माहिती दिली असून, त्यानुसार आज मुंबई आणि ठाण्यात पावसाच्या हलक्या ते मध्यम स्वरुपाच्या सरी कोसळणार आहेत. (meteorological department has predicted light to moderate rain in mumbai and thane today)

गेल्या २४ तासांमध्ये मुंबई आणि ठाणे परिसरात ७५ ते ९० मिमी इतका पाऊस पडल्याची नोंद झालेली आहे. हवामान विभागाने दिलेल्या माहितीनुसार नवी मुंबईतील जईनगर आणि सानपाडा येथे ७५ ते ९० मिमी इतक्या पावसाची नोंद करण्यात आलेली आहे.येत्या काही तासात मुंबई आणि ठाण्यात हलका ते मध्यम स्वरुपाचा पाऊस कोसळण्याचा अंदाज व्यक्त करण्यात आला आहे.

क्लिक करा आणि वाचा- इमारतींवर वीज कडाडली! बोरिवलीतील घटनेनंतर आली सोसायट्यांना जाग

हवामान विभागाने दिलेल्या माहितीनुसार आज मुंबई, ठाणे, पुणे, कोल्हापूर, सातारा आणि कोकणातील जिल्ह्यांमध्ये मध्यम ते मुसळधार पाऊस कोसळण्याची शक्यता आहे. तसेच आज बुधवारी कोकण आणि मध्य महाराष्ट्राच्या घाटमाथ्यावर मुसळधार पावसाचा अंदाज व्यक्त करण्यात आला आहे. या भागात हवामान विभागाने ऑरेंज अलर्ट दिलेला आहे. या व्यतिरिक्त राज्यातील इतर जिल्ह्यांमध्ये मध्यम ते हलक्या स्वरुपाच्या सरी कोसळणार आहेत.

क्लिक करा आणि वाचा- रत्नागिरीकरांसाठी महत्त्वाची बातमी; पुढील चार दिवस अतिमुळधार पावसाची शक्यता

घाटमाथ्यावर कोसळणार मुसळधार

आज कोकणातील पालघर, रायगड, रत्नागिरी जिल्ह्यात मुसळधार पाऊस कोसळण्याचा अंदाज हवामान विभागाने वर्तवली आहे. त्यामुळे कोकणातील नागरिकांनी सतर्कता बाळगावी असे आवाहनही स्थानिक प्रसासनांतर्फे नागरिकांना देण्यात आली आहे. तर, नाशिक, पुणे, सातारा आणि कोल्हापूर जिल्ह्यांच्या घाटमाथ्यावर देखील मुसळधार पावसाचा इशारा हवामान विभागाने दिलेला आहे.

बंगालच्या उपसागरात कमी दाबाचा पट्टा तयार झाला असल्याने गेल्या काही दिवसांपासून राज्यात पाऊस कोसळण्याची शक्यता निर्माण झाली आहे.

क्लिक करा आणि वाचा- शिंदे गट अ‍ॅक्शन मोडवर; रत्नागिरीचे माजी नगराध्यक्ष राहुल पंडित यांची शिंदे गटाकडून जिल्हाप्रमुखपदी नियुक्ती