मुंबई उपनगरात संततधार, सखल भागात पाणी साचले

मटा ऑनलाइन वृत्त । मुंबई

दोन दिवसांपासून विश्रांती घेतलेल्या पावसाने आज पुन्हा मुंबई शहर आणि उपनगरात हजेरी लावली. मुंबई शहरात पावसाचा जोर कमी असला तरी उपनगरातील काही भागात जोरदार पाऊस झाला. यामुळे सखल भागात पाणी साचल्याचे वृत्त आहे.

सकाळपासूनच मुंबई शहर आणि उपनगरात पावसाने चांगली हजेरी लावली. पश्चिम उपनगरातील अंधेरी, मालाड, कांदिवलीत जोरदार पाऊस झाला. त्यामुळे काही ठिकाणी सखल भागात पाणी साचले. मात्र पाण्याचा निचरा होत असल्याने रस्ते तसेच रेल्वे वाहतुकीवर मात्र त्याचा फारसा परिणाम झाला नाही.

ठाण्यातही पावसाच्या सरी...

मुंबईसह ठाणे जिल्ह्यातही पावसाने आज सकाळपासून चांगली हजेरी लावली. धरणक्षेत्रातही पाऊस सुरू असल्याने दिलासादायक चित्र निर्माण झाले आहे.