मुंबई:
आरपीआय नेते व केंद्रीय राज्यमंत्री रामदास आठवले यांनी खासदार उदयनराजे भोसले यांना साताऱ्यातून लोकसभेची उमेदवारी देण्याची तयारी दर्शवली आहे. राष्ट्रवादी काँग्रेसनं उदयनराजेंना तिकीट नाकारल्यास त्यांनी रिपब्लिकन पक्षाच्या तिकिटावर निवडणूक लढवावी, असं आठवले यांनी म्हटलं आहे.
ते मुंबईत बोलत होते. आगामी लोकसभा निवडणुकीसाठी सातारा मतदारसंघात राष्ट्रवादी काँग्रेसची उमेदवारी कोणाला मिळणार, यावर सध्या जोरदार खल सुरू आहे. सातारा लोकसभा मतदारसंघाच्या आढावा बैठकीत विद्यमान खासदार उदयनराजे भोसले यांच्याऐवजी विधान परिषदेचे सभापती रामराजे निंबाळकर यांना उमेदवारी द्या, अशी मागणी जिल्ह्यातील राष्ट्रवादीच्या आमदारांनी केली आहे. तर, विद्यमान खासदार उदयनराजे यांनीही आपण उमेदवारीसाठी इच्छुक असल्याचे पक्षाला सांगितलं आहे. पण उदयनराजेंना उमेदवारी देऊ नये, यासाठी तेथील पक्षाच्या आमदारांनी फिल्डिंग लावली आहे. तसा विरोधही त्यांनी पक्षाध्यक्ष शरद पवार यांच्याकडे नोंदविला आहे. या पार्श्वभूमीवर आठवले यांनी उदयनराजेंना तिकिटाची ऑफर दिली आहे.
आरपीआय नेते व केंद्रीय राज्यमंत्री रामदास आठवले यांनी खासदार उदयनराजे भोसले यांना साताऱ्यातून लोकसभेची उमेदवारी देण्याची तयारी दर्शवली आहे. राष्ट्रवादी काँग्रेसनं उदयनराजेंना तिकीट नाकारल्यास त्यांनी रिपब्लिकन पक्षाच्या तिकिटावर निवडणूक लढवावी, असं आठवले यांनी म्हटलं आहे.
ते मुंबईत बोलत होते. आगामी लोकसभा निवडणुकीसाठी सातारा मतदारसंघात राष्ट्रवादी काँग्रेसची उमेदवारी कोणाला मिळणार, यावर सध्या जोरदार खल सुरू आहे. सातारा लोकसभा मतदारसंघाच्या आढावा बैठकीत विद्यमान खासदार उदयनराजे भोसले यांच्याऐवजी विधान परिषदेचे सभापती रामराजे निंबाळकर यांना उमेदवारी द्या, अशी मागणी जिल्ह्यातील राष्ट्रवादीच्या आमदारांनी केली आहे. तर, विद्यमान खासदार उदयनराजे यांनीही आपण उमेदवारीसाठी इच्छुक असल्याचे पक्षाला सांगितलं आहे. पण उदयनराजेंना उमेदवारी देऊ नये, यासाठी तेथील पक्षाच्या आमदारांनी फिल्डिंग लावली आहे. तसा विरोधही त्यांनी पक्षाध्यक्ष शरद पवार यांच्याकडे नोंदविला आहे. या पार्श्वभूमीवर आठवले यांनी उदयनराजेंना तिकिटाची ऑफर दिली आहे.