मटा ऑनलाइन वृत्त । मुंबई
अखेर शनिवारी चंद्रदर्शन झालं असून उद्या, रविवारपासून भारतात रमझान महिना सुरू होत आहे. रोजे (उपवास) पाळणाऱ्या मुस्लिम बांधवांसाठी यावर्षीचा रमझानचा महिना परीक्षा घेणारा ठरणार असून भारतात पहिलाच रोजा १५ तास २२ मिनिटांचा असणार आहे. त्यानंतर ही वेळ वाढतच जाणार आहे. मुख्य म्हणजे एकही रोजा १५ तासांपेक्षा कमी अवधीचा असणार नाही.
१५ तासांपेक्षा अधिक अवधीचे रोजे असण्याचा योग ३४ वर्षांनंतर पुन्हा आला आहे. १९८३मध्ये जूनमध्ये रमझानचा महिना आला होता आणि तेव्हाही अशाचप्रकारे १५ तासांपेक्षा अधिक वेळ रोजे पाळावे लागले होते.
रमझानचा पवित्र महिना दरवर्षी ११ दिवस उशिराने येतो. यंदा उद्यापासून रमझान सुरू होत असून २७ जून रोजी रमझान समाप्त होणार आहे. त्याच्या दुसऱ्या दिवशी देशभरात ईद उल फितर साजरी केली जाणार आहे.
दरम्यान, रमझाननिमित्त इफ्तार पार्टीचीही जोरदार तयारी सुरू झाली असून पुढचा महिनाभर ही रेलचेल राहणार आहे.
अखेर शनिवारी चंद्रदर्शन झालं असून उद्या, रविवारपासून भारतात रमझान महिना सुरू होत आहे. रोजे (उपवास) पाळणाऱ्या मुस्लिम बांधवांसाठी यावर्षीचा रमझानचा महिना परीक्षा घेणारा ठरणार असून भारतात पहिलाच रोजा १५ तास २२ मिनिटांचा असणार आहे. त्यानंतर ही वेळ वाढतच जाणार आहे. मुख्य म्हणजे एकही रोजा १५ तासांपेक्षा कमी अवधीचा असणार नाही.
१५ तासांपेक्षा अधिक अवधीचे रोजे असण्याचा योग ३४ वर्षांनंतर पुन्हा आला आहे. १९८३मध्ये जूनमध्ये रमझानचा महिना आला होता आणि तेव्हाही अशाचप्रकारे १५ तासांपेक्षा अधिक वेळ रोजे पाळावे लागले होते.
रमझानचा पवित्र महिना दरवर्षी ११ दिवस उशिराने येतो. यंदा उद्यापासून रमझान सुरू होत असून २७ जून रोजी रमझान समाप्त होणार आहे. त्याच्या दुसऱ्या दिवशी देशभरात ईद उल फितर साजरी केली जाणार आहे.
दरम्यान, रमझाननिमित्त इफ्तार पार्टीचीही जोरदार तयारी सुरू झाली असून पुढचा महिनाभर ही रेलचेल राहणार आहे.