मुंबई : खासदार नवनीत राणा आणि आमदार रवी राणा मुख्यमंत्री उद्धव ठाकरेंचं निवासस्थान असलेल्या मातोश्रीबाहेर हनुमान चालीसा पठण करण्यासाठी मुंबईत येऊन पोहोचले आहेत. कितीही धमक्या द्या, कारवाई करा पण आम्ही उद्या सकाळी ९ वाजता मुख्यमंत्र्यांच्या मातोश्री निवासस्थानी जाऊन हनुमान चालिसेचं पठण करणारच, असा पवित्रा राणा दाम्पत्यांनी व्यक्त केला. मुंबईत दुपारी ३ वाजता पत्रकार परिषद घेऊन त्यांनी आपली भूमिका जाहीर केली. राणा दाम्पत्याच्या ठाम निर्धारानंतर शिवसैनिक देखील कमालीचे आक्रमक झाले आहेत. राणांच्या पत्रकार परिषदेनंतर हजारो शिवसैनिकांनी मातोश्रीबाहेर जमायला सुरुवात केली. 'उद्धवसाहेब आगे बढो, हम तुम्हारे साथ है', 'शिवसेनेचा विजय असो', अशा घोषणांनी मातोश्रीचा परिसर दणाणून गेला. दरम्यान ५ वाजताच्या सुमारास मुख्यमंत्री उद्धव ठाकरे 'वर्षा'वरुन 'मातोश्री'कडे जायला निघाले. 'मातोश्री' बंगल्याच्या परिसरात येताच त्यांनी जमलेल्या हजारो शिवसैनिकांना हात उंचावून अभिवादन केलं. संध्याकाळी ७ वाजता मातोश्रीवर सेना नेत्यांची विशेष बैठक पार पडली. या बैठकीनंतर उद्धव ठाकरे पुन्हा बंगल्याच्या बाहेर आले. यावेळी शिवसैनिकांचे आभार व्यक्त करताना, 'तुम्ही सकाळपासून इथे जमलेला आहात. आता आपण घरी जावं. इकडे येण्याची कुणी हिम्मत करणार नाही', असं मुख्यमंत्री म्हणाले.
तासाभराच्या बैठकीनंतर उद्धव ठाकरे मातोश्रीबाहेर आले. सकाळपासून मातोश्रीबाहेर गर्दी केलेल्या शिवसैनिकांचे त्यांनी आभार मानले. आपण आता घरी जावं. या परिसरात येण्याची कुणी हिम्मत करणार नाही, असं मुख्यमंत्री शिवसैनिकांना म्हणाले. मात्र राणांविरोधात आम्ही रात्र जागून काढू, असा निर्धार काही महिला पदाधिकाऱ्यांना मुख्यमंत्र्यांना बोलून दाखवला.
धमक्या द्या, कारवाया करा, मातोश्रीवर जाणारच : रवी राणा
मुंबई पोलिसांनी राणा दाम्पत्याला १४९ ची नोटीस बजावली असली तरी आता उद्या ते मातोश्रीवर जाण्यावर ठाम आहेत. आम्ही मातोश्रीवर शांततेत हनुमान चालिसा पठण करण्यासाठी आलो आहोत. पोलिसांनी आम्हाला घरातून बाहेर पडू नका, यासाठी नोटीस दिली आहे. आम्ही शांततेच्या उद्देशाने आलो आहोत. त्यामुळे आम्ही कोणत्याही परिस्थितीत उद्या सकाळी ९ वाजता मातोश्रीवर जाणारच, असा निर्धार आमदार रवी राणा यांनी व्यक्त केला.
राणा यांच्या युवा स्वाभिमानी पार्टीचे ५०० ते ७०० कार्यकर्ते मुंबईत अगोदरच दाखल झाले आहेत. याशिवाय, आणखी काही कार्यकर्ते आज रात्री विदर्भ एक्स्प्रेसने मुंबईच्या दिशेने रवाना होतील. त्यामुळे उद्या मुंबईत हायव्होल्टेड ड्रामा रंगण्याची शक्यता आहे.
तासाभराच्या बैठकीनंतर उद्धव ठाकरे मातोश्रीबाहेर आले. सकाळपासून मातोश्रीबाहेर गर्दी केलेल्या शिवसैनिकांचे त्यांनी आभार मानले. आपण आता घरी जावं. या परिसरात येण्याची कुणी हिम्मत करणार नाही, असं मुख्यमंत्री शिवसैनिकांना म्हणाले. मात्र राणांविरोधात आम्ही रात्र जागून काढू, असा निर्धार काही महिला पदाधिकाऱ्यांना मुख्यमंत्र्यांना बोलून दाखवला.
धमक्या द्या, कारवाया करा, मातोश्रीवर जाणारच : रवी राणा
मुंबई पोलिसांनी राणा दाम्पत्याला १४९ ची नोटीस बजावली असली तरी आता उद्या ते मातोश्रीवर जाण्यावर ठाम आहेत. आम्ही मातोश्रीवर शांततेत हनुमान चालिसा पठण करण्यासाठी आलो आहोत. पोलिसांनी आम्हाला घरातून बाहेर पडू नका, यासाठी नोटीस दिली आहे. आम्ही शांततेच्या उद्देशाने आलो आहोत. त्यामुळे आम्ही कोणत्याही परिस्थितीत उद्या सकाळी ९ वाजता मातोश्रीवर जाणारच, असा निर्धार आमदार रवी राणा यांनी व्यक्त केला.
राणा यांच्या युवा स्वाभिमानी पार्टीचे ५०० ते ७०० कार्यकर्ते मुंबईत अगोदरच दाखल झाले आहेत. याशिवाय, आणखी काही कार्यकर्ते आज रात्री विदर्भ एक्स्प्रेसने मुंबईच्या दिशेने रवाना होतील. त्यामुळे उद्या मुंबईत हायव्होल्टेड ड्रामा रंगण्याची शक्यता आहे.