मुंबई: भ्रष्टाचाराचे आरोप व केंद्रीय तपास यंत्रणांचा ससेमिरा मागे लागलेला असतानाही महाविकास आघाडीतील पक्ष राज्यभरात आपापली ताकद वाढवत आहेत. मित्र पक्षांतील नाराजांसोबतच इतर पक्षातील नेत्यांनाही आपल्याकडं खेचण्याचे प्रयत्न सुरू आहेत. राष्ट्रवादी काँग्रेसच्या या प्रयत्नांना कोकणात मोठं यश मिळालं आहे. (Guhagar mayor Rajesh Bendal joins NCP) रत्नागिरी जिल्ह्यातील गुहागर नगरपंचायतीचे नगराध्यक्ष राजेश बेंडल यांनी राष्ट्रवादी काँग्रेसचा झेंडा खांद्यावर घेतला आहे. त्याचबरोबर, माजी उपनगराध्यक्षा स्नेहा बागडे, प्रदीप बेंडल यांनी देखील आपल्या समर्थकांसह राष्ट्रवादीत जाहीर प्रवेश केला आहे. मुंबईतील पक्ष कार्यालयात उपमुख्यमंत्री अजित पवार यांच्या उपस्थितीत हा प्रवेश सोहळा पार पडला. अजित पवार यांनी या सर्वांचं पक्षात स्वागत केलं.
वाचा: 'समीर वानखेडेंची नोकरी घालवणार, त्यांना तुरुंगात टाकल्याशिवाय थांबणार नाही'
'महाविकास आघाडीच्या माध्यमातून कोकणचा विकास करण्याची आमची भूमिका आहे. आजच्या पक्ष प्रवेशामुळं नवे चेहरे आपल्याला मिळाले आहेत. जुन्या-नव्या नेत्यांचा योग्य समन्वय घडवून पक्ष वाढीचं काम आपल्याला करायचे आहे,' असं अजित पवार म्हणाले. 'कोकणात आर्थिक सुबत्ता यावी यासाठी पवार साहेबांनी अनेक निर्णय घेतले. कोकण रेल्वे होण्यासाठी पुढाकार घेतला. साहेबांचं कोकणावर अपार प्रेम आहे. कोकणाचा कुठलाही प्रश्न आला तर सहकार्याची भावना ठेवा, अशी त्यांची आम्हाला सूचना असते,' असंही अजित पवार म्हणाले.
वाचा: किरीट सोमय्यांच्या आरोपांना अजित पवारांचं 'दादा स्टाइल' उत्तर, म्हणाले...
'कोकणात राष्ट्रवादी काँग्रेस पक्ष बळकट झाला पाहिजे, असा आमचा नेहमीच प्रयत्न असतो. यापुढं चिपळूण, दापोली, गुहागर या पट्ट्यातील अनेक नेते, कार्यकर्ते पक्षात येणार आहेत. राष्ट्रवादी हा कार्यकर्त्यांचा पक्ष आहे. त्यामुळं कार्यकर्त्यांना न्याय देण्याची आमची भूमिका असते. पुढील आठवड्यात राष्ट्रवादी परिवार संवाद यात्रा कोकणात येणार आहे. त्यावेळी कोकणातील कार्यकर्त्यांशी सविस्तर चर्चा करू, असं पक्षाचे प्रदेशाध्यक्ष जयंत पाटील यांनी स्पष्ट केलं. 'आजच्या पक्षप्रवेशामुळे गुहागर, चिपळूण भागात राष्ट्रवादीची ताकद नक्कीच वाढेल, असा विश्वास खासदार सुनील तटकरे यांनी व्यक्त केला.
वाचा: फडणवीसांबद्दल मी असं कधीच बोललो नव्हतो; गडकरींचा तात्काळ खुलासा
वाचा: 'समीर वानखेडेंची नोकरी घालवणार, त्यांना तुरुंगात टाकल्याशिवाय थांबणार नाही'
'महाविकास आघाडीच्या माध्यमातून कोकणचा विकास करण्याची आमची भूमिका आहे. आजच्या पक्ष प्रवेशामुळं नवे चेहरे आपल्याला मिळाले आहेत. जुन्या-नव्या नेत्यांचा योग्य समन्वय घडवून पक्ष वाढीचं काम आपल्याला करायचे आहे,' असं अजित पवार म्हणाले. 'कोकणात आर्थिक सुबत्ता यावी यासाठी पवार साहेबांनी अनेक निर्णय घेतले. कोकण रेल्वे होण्यासाठी पुढाकार घेतला. साहेबांचं कोकणावर अपार प्रेम आहे. कोकणाचा कुठलाही प्रश्न आला तर सहकार्याची भावना ठेवा, अशी त्यांची आम्हाला सूचना असते,' असंही अजित पवार म्हणाले.
वाचा: किरीट सोमय्यांच्या आरोपांना अजित पवारांचं 'दादा स्टाइल' उत्तर, म्हणाले...
'कोकणात राष्ट्रवादी काँग्रेस पक्ष बळकट झाला पाहिजे, असा आमचा नेहमीच प्रयत्न असतो. यापुढं चिपळूण, दापोली, गुहागर या पट्ट्यातील अनेक नेते, कार्यकर्ते पक्षात येणार आहेत. राष्ट्रवादी हा कार्यकर्त्यांचा पक्ष आहे. त्यामुळं कार्यकर्त्यांना न्याय देण्याची आमची भूमिका असते. पुढील आठवड्यात राष्ट्रवादी परिवार संवाद यात्रा कोकणात येणार आहे. त्यावेळी कोकणातील कार्यकर्त्यांशी सविस्तर चर्चा करू, असं पक्षाचे प्रदेशाध्यक्ष जयंत पाटील यांनी स्पष्ट केलं. 'आजच्या पक्षप्रवेशामुळे गुहागर, चिपळूण भागात राष्ट्रवादीची ताकद नक्कीच वाढेल, असा विश्वास खासदार सुनील तटकरे यांनी व्यक्त केला.
वाचा: फडणवीसांबद्दल मी असं कधीच बोललो नव्हतो; गडकरींचा तात्काळ खुलासा