आयबी आणि रॉच्या निवृत्तांना राज्यसरकारची साद

मुंबई: आयबी आणि रॉच्या सेवेतून निवृत्त झालेल्या अधिकाऱ्यांना राज्यसरकारने साद घातली आहे. राज्यसरकारने या अधिकाऱ्यांना राज्य गुप्तवार्ता विभागात भरती होण्याचं आवाहन केलं असून तशी जाहिरातच प्रसिद्ध केली आहे.

मुंबई, नागपूर, पुणे, नाशिक आणि औरंगाबाद येथे राज्य गुप्तवार्ता विभागात एक वर्षाच्या कालावधी करता एकूण १० पदे भरायची आहेत. त्यासाठी आयबी, रॉ आणि राज्य गुप्तवार्ता विभागातून निवृत्त झालेले अधिकारी राज्यसरकारला हवे आहेत. रॉ किंवा आयबीमध्ये किमान तीन वर्षाचा अनुभव असलेल्या अधिकाऱ्यांना या पदासाठी अर्ज करण्यास सांगण्यात आले आहे. ६५ वर्षापर्यंतची वयोमर्यादा असलेला कोणताही निवृत्त अधिकारी या पदासाठी अर्ज करू शकतो, असं राज्य गुप्तवार्ता विभागानं स्पष्ट केलं आहे. https://www.polydojo.com/@mahapolice_gov_in8309054542/form?formld=5ad6d2fca2f6580004ed0301. या लिंकवर दहा दिवसात अर्ज पाठविण्याचं आवाहनही करण्यात आलं आहे.