प्रवेशगोंधळावर ऑनलाइन ऑप्शन फॉर्म भरण्याचा तोडगा
म. टा. प्रतिनिधी, मुंबई
राज्यभरातील मेडिकल कॉलेजांमध्ये सुरू असलेल्या प्रवेश प्रक्रियेला पालकांच्या रोषाला सामोरे जावे लागले आहे. राज्य वैद्यकीय शिक्षण आणि संशोधन संचालनालयातर्फे (डीएमईआर) गुणवत्ता यादी जाहीर केली असली तरी यातील हजारो विद्यार्थ्यांना प्रमाणपत्रांच्या पडताळणीसाठी मेसेज पाठविण्यात न आल्याने त्यांच्यापुढे प्रवेशपेच उभा ठाकला होता. त्यामुळे राज्यभरातील असंख्य पालकांनी ‘डीएमईआर’च्या कार्यालयात धाव घेतली होती. पालकांचा आक्रमक पवित्रा पाहून ‘डीएमईआर’ने या विद्यार्थ्यांना प्रवेशासाठी ऑनलाइन ऑप्शन फॉर्म भरण्याची संधी परिपत्रकाच्या माध्यमातून दिली आहे.
राज्यातील मेडिकल कॉलेजांतील प्रवेशासाठी डीएमईआरतर्फे प्रवेश प्रक्रिया राबविण्यात येत आहे. एमबीबीएस, बीडीएस (दंतवैद्य), बीएएमएस (आयुर्वेद), नर्सिंग आणि फिजिओथेरपी या सर्व अभ्यासक्रमांचे सरकारी आणि खासगी कॉलेजांमधील प्रवेश केंद्रीय प्रवेशप्रक्रियेच्या माध्यमातून केले जात आहेत. त्यानुसार बुधवारी या प्रवेशासाठीची गुणवत्ता यादी प्रसिद्ध करण्यात आली. नियमानुसार या यादीतील सर्वच विद्यार्थ्यांना प्रमाणपत्रांच्या पडताळणीसाठी बोलावणे गरजेचे आहे. मात्र या पडताळणीसाठी राज्यातील अनेक विद्यार्थ्यांना बोलावण्यात आलेले नाही. प्रमाणपत्रांच्या पडताळणीसाठी मेसेज न आल्याने अनेक विद्यार्थी व पालकांना मुंबईतील ‘डीएमईआर’च्या कार्यालयात धाव घेतली. गुणवत्ता यादीत नाव असतानाही यातील अनेकांची नावे का नाहीत, याबाबत विचारणा केली असता अधिकाऱ्यांकडून उलटसुलट उत्तरे देण्यात आली. त्यामुळे पालकांनी ‘सीईटी’चे संचालक चंद्रशेखर ओक यांची भेट घेण्याचा प्रयत्न केला. मात्र बराच वेळ झाल्यानंतरही ही भेट न झाल्याने पालकांनी त्याठिकाणी गोंधळ घालण्यास सुरुवात केल्याने काही काळ तणाव पसरला होता. अखेर पालकांचा आक्रमक पवित्रा पाहून ओक यांनी पालकांची भेट घेतली. पालकांचे म्हणणे लक्षात घेतल्यानंतर त्यांनी गुणवत्ता यादीतील सर्व विद्यार्थ्यांना प्रमाणपत्रे पडताळणी व पसंतीक्रम अर्ज भरण्यासाठी बोलावण्यात येईल, असे आश्वासन दिले. ‘डीएमईआर’च्या वेबसाइटवर यासंदर्भातील परिपत्रक जाहीर करण्यात आले आहे.
वेबसाइट अपडेट करा
राज्यातील सर्व मेडिकल कॉलेजांची फीची माहिती शिक्षण शुल्क समितीच्या वेबसाइटवर जाहीर करण्यात आली आहे. मात्र यातील सर्व माहिती २०१५ची आहे. या बाबीकडे लक्ष वेधून पालकांनी ही वेबसाइट अपलोड करण्याची मागणी केली आहे.
म. टा. प्रतिनिधी, मुंबई
राज्यभरातील मेडिकल कॉलेजांमध्ये सुरू असलेल्या प्रवेश प्रक्रियेला पालकांच्या रोषाला सामोरे जावे लागले आहे. राज्य वैद्यकीय शिक्षण आणि संशोधन संचालनालयातर्फे (डीएमईआर) गुणवत्ता यादी जाहीर केली असली तरी यातील हजारो विद्यार्थ्यांना प्रमाणपत्रांच्या पडताळणीसाठी मेसेज पाठविण्यात न आल्याने त्यांच्यापुढे प्रवेशपेच उभा ठाकला होता. त्यामुळे राज्यभरातील असंख्य पालकांनी ‘डीएमईआर’च्या कार्यालयात धाव घेतली होती. पालकांचा आक्रमक पवित्रा पाहून ‘डीएमईआर’ने या विद्यार्थ्यांना प्रवेशासाठी ऑनलाइन ऑप्शन फॉर्म भरण्याची संधी परिपत्रकाच्या माध्यमातून दिली आहे.
राज्यातील मेडिकल कॉलेजांतील प्रवेशासाठी डीएमईआरतर्फे प्रवेश प्रक्रिया राबविण्यात येत आहे. एमबीबीएस, बीडीएस (दंतवैद्य), बीएएमएस (आयुर्वेद), नर्सिंग आणि फिजिओथेरपी या सर्व अभ्यासक्रमांचे सरकारी आणि खासगी कॉलेजांमधील प्रवेश केंद्रीय प्रवेशप्रक्रियेच्या माध्यमातून केले जात आहेत. त्यानुसार बुधवारी या प्रवेशासाठीची गुणवत्ता यादी प्रसिद्ध करण्यात आली. नियमानुसार या यादीतील सर्वच विद्यार्थ्यांना प्रमाणपत्रांच्या पडताळणीसाठी बोलावणे गरजेचे आहे. मात्र या पडताळणीसाठी राज्यातील अनेक विद्यार्थ्यांना बोलावण्यात आलेले नाही. प्रमाणपत्रांच्या पडताळणीसाठी मेसेज न आल्याने अनेक विद्यार्थी व पालकांना मुंबईतील ‘डीएमईआर’च्या कार्यालयात धाव घेतली. गुणवत्ता यादीत नाव असतानाही यातील अनेकांची नावे का नाहीत, याबाबत विचारणा केली असता अधिकाऱ्यांकडून उलटसुलट उत्तरे देण्यात आली. त्यामुळे पालकांनी ‘सीईटी’चे संचालक चंद्रशेखर ओक यांची भेट घेण्याचा प्रयत्न केला. मात्र बराच वेळ झाल्यानंतरही ही भेट न झाल्याने पालकांनी त्याठिकाणी गोंधळ घालण्यास सुरुवात केल्याने काही काळ तणाव पसरला होता. अखेर पालकांचा आक्रमक पवित्रा पाहून ओक यांनी पालकांची भेट घेतली. पालकांचे म्हणणे लक्षात घेतल्यानंतर त्यांनी गुणवत्ता यादीतील सर्व विद्यार्थ्यांना प्रमाणपत्रे पडताळणी व पसंतीक्रम अर्ज भरण्यासाठी बोलावण्यात येईल, असे आश्वासन दिले. ‘डीएमईआर’च्या वेबसाइटवर यासंदर्भातील परिपत्रक जाहीर करण्यात आले आहे.
वेबसाइट अपडेट करा
राज्यातील सर्व मेडिकल कॉलेजांची फीची माहिती शिक्षण शुल्क समितीच्या वेबसाइटवर जाहीर करण्यात आली आहे. मात्र यातील सर्व माहिती २०१५ची आहे. या बाबीकडे लक्ष वेधून पालकांनी ही वेबसाइट अपलोड करण्याची मागणी केली आहे.