म. टा. प्रतिनिधी, मुंबई
कुर्ला रेल्वे स्टेशन येथे पथारी पसरणाऱ्या फेरीवाल्यांना आता पोलिसांचीही भीती राहिली नाही. फेरीवाल्यांविरोधात कारवाई करणाऱ्या रेल्वे पोलिस बलाच्या (आरपीएफ) जवानाला एका फेरीवाल्याने बेदम मारहाण केल्याची धक्कादायक घटना बुधवारी कुर्ला टर्मिनसमध्ये घडली. या मारहाणप्रकरणी टिळकनगर पोलिसांनी एका फेरीवाल्याला अटक केली आहे.
एल्फिन्स्टन येथील चेंगराचेंगरीत २३ जणांच्या मृत्यूची घटना ताजी असतानाच, नागरिकांकडून स्थानक परिसरात फेरीवाल्यांनी हटवण्याची मागणी होऊ लागली. त्यानुसार रेल्वे परिसरात फेरीवाल्यांवर सुरक्षा दलाच्या पथकाने कारवाई करण्यास सुरू केली. दरम्यान मध्य रेल्वेवरील महत्त्वाचे स्टेशन असलेल्या कुर्ला टर्मिनस यार्ड येथे आरपीएफचे पोलिस शिपाई विकास पाटील हे गस्तीवर होते. या ठिकाणी नागरिकांना येण्यास मनाई आहे. त्या ठिकाणी आरोपी अरविंद येरूणकर हा संशयास्पद हालचाली करताना दिसला. पाटील यांनी चौकशी केली असता येरुणकर हा स्थानक परिसरात पाण्याची बाटली विकण्यासाठी आल्याचे उघड झाले.
फेरीवाल्यांना स्थानक परिसरात कोणतेही साहित्य विकण्यास मनाई असल्याने पाटील यांनी येरुणकरला पोलिस चौकीत येण्यास सांगितले. त्यावरून दोघांमध्ये शाब्दिक वाद झाला. यानंतर येरुणकरने हातातील पक्कडने
पाटीलना मारहाण केली. पळ काढण्याच्या तयारीत असलेल्या येरुणकरला पाटील यांनी पकडून धरले व सहकाऱ्यांच्या ताब्यात दिले. या प्रकरणी पाटील यांनी टिळकनगर पोलिस ठाण्यात तक्रार केल्यानंतर येरूणकरला अटक करण्यात आली.
कुर्ला रेल्वे स्टेशन येथे पथारी पसरणाऱ्या फेरीवाल्यांना आता पोलिसांचीही भीती राहिली नाही. फेरीवाल्यांविरोधात कारवाई करणाऱ्या रेल्वे पोलिस बलाच्या (आरपीएफ) जवानाला एका फेरीवाल्याने बेदम मारहाण केल्याची धक्कादायक घटना बुधवारी कुर्ला टर्मिनसमध्ये घडली. या मारहाणप्रकरणी टिळकनगर पोलिसांनी एका फेरीवाल्याला अटक केली आहे.
एल्फिन्स्टन येथील चेंगराचेंगरीत २३ जणांच्या मृत्यूची घटना ताजी असतानाच, नागरिकांकडून स्थानक परिसरात फेरीवाल्यांनी हटवण्याची मागणी होऊ लागली. त्यानुसार रेल्वे परिसरात फेरीवाल्यांवर सुरक्षा दलाच्या पथकाने कारवाई करण्यास सुरू केली. दरम्यान मध्य रेल्वेवरील महत्त्वाचे स्टेशन असलेल्या कुर्ला टर्मिनस यार्ड येथे आरपीएफचे पोलिस शिपाई विकास पाटील हे गस्तीवर होते. या ठिकाणी नागरिकांना येण्यास मनाई आहे. त्या ठिकाणी आरोपी अरविंद येरूणकर हा संशयास्पद हालचाली करताना दिसला. पाटील यांनी चौकशी केली असता येरुणकर हा स्थानक परिसरात पाण्याची बाटली विकण्यासाठी आल्याचे उघड झाले.
फेरीवाल्यांना स्थानक परिसरात कोणतेही साहित्य विकण्यास मनाई असल्याने पाटील यांनी येरुणकरला पोलिस चौकीत येण्यास सांगितले. त्यावरून दोघांमध्ये शाब्दिक वाद झाला. यानंतर येरुणकरने हातातील पक्कडने
पाटीलना मारहाण केली. पळ काढण्याच्या तयारीत असलेल्या येरुणकरला पाटील यांनी पकडून धरले व सहकाऱ्यांच्या ताब्यात दिले. या प्रकरणी पाटील यांनी टिळकनगर पोलिस ठाण्यात तक्रार केल्यानंतर येरूणकरला अटक करण्यात आली.