मुंबई : निवडणूक आयोगाने महाराष्ट्र विधानसभेच्या तारखा जाहीर केल्यानंतर; आचारसंहितेच्या पहिल्याच दिवशी मुंबई पोलिसांनी भुलेश्वर परिसरातून ६६ लाखांची रोकड हस्तगत केली. ही रक्कम प्राप्तिकर विभागाकडे सुपूर्द करण्यात आल्याची माहिती लोकमान्य टिळक मार्ग पोलिसांनी दिली.
निवडणुकीच्या कालावधीत रोख रकमेची छुप्या मार्गाने देवाणघेवाण केली जाते. हे रोखण्यासाठी मुंबई पोलिस राजकीय पक्ष, कार्यकर्ते यांच्या हालचालींवर बारीक नजर ठेवून आहेत. दक्षिण प्रादेशिक विभागाचे अतिरिक्त पोलिस आयुक्त निशित मिश्रा विशेष पथकाने भुलेश्वरच्या पोफळवाडीमध्ये शनिवारी सायंकाळी छापा टाकला. एका कार्यालयातून ६६ लाख रुपये सापडले. या परिसरात आणखी काही ठिकाणी छापे टाकण्यात आल्याची माहिती आहे. छाप्यामध्ये हस्तगत केलेली रक्कम आणि त्याचा तपशील प्राप्तिकर विभागाला देण्यात आला असून त्याच्या अहवालानंतर पुढील कारवाई करण्यात येईल अशी माहिती लोकमान्य टिळक मार्ग पोलिसांनी दिली.
निवडणुकीच्या कालावधीत रोख रकमेची छुप्या मार्गाने देवाणघेवाण केली जाते. हे रोखण्यासाठी मुंबई पोलिस राजकीय पक्ष, कार्यकर्ते यांच्या हालचालींवर बारीक नजर ठेवून आहेत. दक्षिण प्रादेशिक विभागाचे अतिरिक्त पोलिस आयुक्त निशित मिश्रा विशेष पथकाने भुलेश्वरच्या पोफळवाडीमध्ये शनिवारी सायंकाळी छापा टाकला. एका कार्यालयातून ६६ लाख रुपये सापडले. या परिसरात आणखी काही ठिकाणी छापे टाकण्यात आल्याची माहिती आहे. छाप्यामध्ये हस्तगत केलेली रक्कम आणि त्याचा तपशील प्राप्तिकर विभागाला देण्यात आला असून त्याच्या अहवालानंतर पुढील कारवाई करण्यात येईल अशी माहिती लोकमान्य टिळक मार्ग पोलिसांनी दिली.