सचिन बनला गायक; क्रिकेटचं गाणं तुफान हिट!

मटा ऑनलाइन वृत्त । मुंबई

मास्टर ब्लास्टर सचिन तेंडुलकरला आपण नेहमी हातात क्रिकेटची बॅट घेऊन मैदानावर अधिराज्य गाजवताना पाहिलंय; म्हणूनच हेडफोन लावून हातात माईक धरत एखाद्या व्यावसायिक गायकासारखा सचिन गाताना दिसला तर तुम्ही अवाक् होऊन जाल, पण हे खरं आहे. सचिन खरंच गायलाय. क्रिकेटचंच गाणं गायलाय तो आणि काही तासांतच ते तुफान व्हायरल झालंय.

'नाचो, नाचो, नाचो सारे क्रिकेटवाली बिट पें' असे या गाण्याचे बोल आहेत. गायक सोनू निगमने या गाण्यात सचिनला साथ दिली आहे. सचिनसोबत ६ विश्व चषकांमध्ये खेळलेल्या सहकाऱ्यांची नावेही त्याने या गाण्यात घेतली आहेत, ज्यात सर्वात शेवटी माहीचं नाव आहे.