अॅनाबेल मेहता यांचा ब्रिटन सरकारकडून सन्मान

मटा ऑनलाइन वृत्त । मुंबई

मास्टर ब्लास्टर सचिन तेंडुलकरच्या सासूबाई व सामाजिक कार्यकर्त्या अॅनाबेल मेहता यांचा ब्रिटन सरकारने 'मेंबर ऑफ द ऑर्डर ऑफ द ब्रिटीश एम्पायर' अर्थात एमबीई पुरस्काराने सन्मानित करण्यात येणार आहे. अॅनाबेल यांनी केलेल्या सामाजिक कार्यासाठी त्यांना पुरस्काराने सन्मानित करण्यात येणार आहे.
हा पुरस्कार ब्रिटनमधील सर्वोच्च पुरस्कारांपैकी एक समजला जातो.

अॅनाबेल मेहता या 'अपनालय' स्वयंसेवी संस्थेमार्फत सामाजिक कार्य करत आहेत. मागील ४० वर्षांपासून कार्यरत आहेत. गोवंडीतील डम्पिंग ग्राउंडजवळ राहणाऱ्या गरिब नागरिकांसाठी, मुलांसाठी 'अपनालय'च्यावतीने आरोग्य, शिक्षण आदींबाबत विविध उपक्रम, कार्यक्रम राबवण्यात येतात. अॅनाबेल मेहता यांचा जन्म बर्मिंगहॅममध्ये झाला असून विवाहानंतर १९६६ साली भारतात पती आनंद मेहतांसह भारतात स्थायिक झाल्या आहेत