अ‍ॅपशहर

पादचारी पुलांच्या दुरुस्तीसाठी सचिनचे २ कोटी

मुंबईतील रेल्वे पादचारी पुलांच्या डागडुजीसाठी खासदार सचिन तेंडुलकरने आपल्या खासदार निधीतून दोन कोटी रुपये इतका निधी दिला आहे. एल्फिन्स्टन रेल्वे स्टेशनवरील पादचारी पुलावर झालेल्या चेंगराचेंगरीच्या पार्श्वभूमीवर सचिनने हे पाऊल उचलले आहे.

Maharashtra Times 23 Oct 2017, 8:27 pm
मटा ऑनलाइन वृत्त । मुंबई
महाराष्ट्र टाइम्स.कॉम sachin tendulkar sanctions rs 2 crore from mp fund for mumbai foot overbridge work
पादचारी पुलांच्या दुरुस्तीसाठी सचिनचे २ कोटी


मुंबईतील रेल्वे पादचारी पुलांच्या डागडुजीसाठी खासदार सचिन तेंडुलकरने आपल्या खासदार निधीतून दोन कोटी रुपये इतका निधी दिला आहे. एल्फिन्स्टन रेल्वे स्टेशनवरील पादचारी पुलावर झालेल्या चेंगराचेंगरीच्या पार्श्वभूमीवर सचिनने हे पाऊल उचलले आहे.

एल्फिन्स्टन रेल्वे पादचारी पुलावर झालेल्या चेंगराचेंगरीत २३ मुंबईकरांचा नाहक बळी गेला होता. पूल अरुंद असल्याने ही दुर्घटना घडली होती. या पार्श्वभूमीवर सचिनने पादचारी पुलांच्या डागडुजीसाठी पुढाकार घेतला आहे.

सचिनने रेल्वे मंत्री पीयूष गोयल यांना एक पत्र लिहिले असून त्यात या निधीबाबत तपशील दिला आहे. मुंबई उपनगर जिल्हाधिकाऱ्यांना दोन कोटींच्या निधीची तरतूद करण्यास सांगण्यात आले आहे. यातील एक कोटी रुपये पश्चिम रेल्वेमार्गावरील पादचारी पुलांसाठी तर एक कोटी रुपये मध्य रेल्वेवरील पादचारी पुलांच्या दुरुस्तीसाठी देण्यात यावेत, असे या पत्रात सचिनने स्पष्ट केले आहे.

'एल्फिन्स्टन'ची पुनरावृत्ती टळावी म्हणून...

एल्फिन्स्टन रेल्वे पादचारी पुलावर झालेल्या चेंगराचेंगरीत निर्दोष मुंबईकरांना प्राण गमवावे लागले. ही घटना अत्यंत क्लेशदायक आहे. म्हणूनच अशा घटनांची पुनरावृत्ती टाळण्यासाठी पादचारी पुलांची डागडुजी गरजेची असून मी त्यासाठी तातडीचा निधी देत आहे, असेही सचिनने पत्रात म्हटले आहे. एल्फिन्स्टन दुर्घटनेतून पीडित कुटुंबं सावरलेली नाहीत. दिवाळीचा आनंद या संकटाने हिरावून घेतला. असे संकट कुणावरही येऊ नये म्हणून एक जबाबदार नागरिक या नात्याने आपल्याला शक्य असेल ते सर्वकाही केले पाहिजे, अशा भावनाही सचिनने व्यक्त केल्या. उपगनगरी रेल्वेसेवेसाठी दोन स्वतंत्र झोन बनवण्यासाठी आवश्यक पावले उचलण्याच यावीत, अशी विनंतीही सचिनने रेल्वे मंत्री, रेल्वे बोर्ड आणि झोन प्रमुखांकडे केली आहे. सचिनने १६ ऑक्टोबर रोजी हे पत्र पाठवले आहे.

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज