सेनेकडून व्यावसायिक वापर होत असल्याचा भाजपचा आरोप
- कालिदासच्या नूतनीकरणासाठी कोट्यवधी खर्च
- लोकार्पण मात्र लांबले
- महापौर व आयुक्तांशी भाजपचा पत्रव्यवहार
म. टा. खास प्रतिनिधी, मुंबई
मुंबई महापालिकेचे मुलुंड येथील कालिदास नाट्यगृह व तरणतलाव तसेच अंधेरीतील राजे शहाजी राजे क्रीडा संकुलाचा खेळापेक्षा व्यावसायिक वापर अधिक केला जात असल्याचा आरोप भाजपने केला आहे. ही संकुले चालवणारे ललित कला व क्रीडा प्रतिष्ठान बरखास्त करून चौकशी करावी, अशी मागणी भाजपने पालिका प्रशासनाकडे केली आहे. या संस्थेचे मुख्य विश्वस्त शिवसेनेचे सचिव व अभिनेते आदेश बांदेकर आहेत.
पालिकेच्या मुलुंड येथील कालिदास नाट्यगृह व क्रीडा संकुलाचे नूतनीकरण करून त्यावर कोट्यवधी रुपये खर्च करण्यात आले आहेत. मात्र या नाट्यगृहाच्या नूतनीकरणाचे काम पूर्ण होऊनही त्याचे लोकार्पण झालेले नाही. याबाबत भाजपचे मुलुंडचे नगरसेवक प्रकाश गंगाधरे यांनी प्रतिष्ठानचे अध्यक्ष, महापौर विश्वनाथ महाडेश्वर यांच्याशी पत्रव्यवहार केला आहे. मात्र त्यांच्याकडून याची दखल घेतली गेली नाही. त्यामुळे याचे त्वरित लोकार्पण केले जावे, अन्यथा हे संकुल आम्ही नागरिकांसाठी खुले करून देऊ, असा इशारा गंगाधरे यांनी दिला आहे.
मुलुंड आणि अंधेरीतील दोन्ही क्रीडा संकुले ललित कला व क्रीडा प्रतिष्ठानतफे चालवली जात असून यामध्ये मोठ्या प्रमाणात गैरप्रकार सुरू असल्याचा आरोप गंगाधरे यांनी केला आहे. कामगार भरतीच्या मुलाखती तसेच लग्न कार्यालयांसाठी या जागा भाड्याने देऊन कला व क्रीडा जोपासण्याऐवजी याचे व्यापारीकरण सुरू असल्याचा आरोप गंगाधरे यांनी केला. मंडळाचे अध्यक्ष महापौर व उपाध्यक्ष महापालिका आयुक्त असले तरी मुख्य विश्वस्त शिवसेनेचे सचिव आदेश बांदेकर हे आहेत. या ठिकाणी आदेश बांदेकर यांची मनमानी चालत असल्यामुळे या मंडळाच्या गैरकारभाराची चौकशी करावी, अशी मागणी भाजपने केली आहे. महापालिका आयुक्त अजय मेहता यांना पत्राद्वारे आपण ही मागणी केली असल्याचे गंगाधरे यांनी सांगितले.
बांदेकर यांचा खुलासा
पालिकेला व्यवस्थापन जमत नसल्याने अनेक वर्षांपूर्वी अंधेरीचे शहाजीराजे क्रीडा संकुल व मुलुंडचे कालिदास नाट्यगृह ललित कला व क्रीडा प्रतिष्ठानकडे सोपवण्यात आले. पालिकेचाच हा ट्रस्ट असून येथील कर्मचाऱ्यांचे वेतन ट्रस्ट देते. ट्रस्ट चालवण्यासाठी उत्पन्नाचा स्रोत म्हणून विविध उपक्रम राबविले जातात. ज्यावेळेस स्पर्धा नसतात तेव्हा हे कार्यक्रम आयोजित केले जातात. ही बाब ट्रस्टच्या नियमावलीत स्पष्ट करण्यात आली आहे. गंगाधरे यांना या ट्रस्टवर सदस्यत्व हवे होते. ते न मिळाल्याने ते आरोप करत असल्याचा दावा आदेश बांदेकर यांनी केला
- कालिदासच्या नूतनीकरणासाठी कोट्यवधी खर्च
- लोकार्पण मात्र लांबले
- महापौर व आयुक्तांशी भाजपचा पत्रव्यवहार
म. टा. खास प्रतिनिधी, मुंबई
मुंबई महापालिकेचे मुलुंड येथील कालिदास नाट्यगृह व तरणतलाव तसेच अंधेरीतील राजे शहाजी राजे क्रीडा संकुलाचा खेळापेक्षा व्यावसायिक वापर अधिक केला जात असल्याचा आरोप भाजपने केला आहे. ही संकुले चालवणारे ललित कला व क्रीडा प्रतिष्ठान बरखास्त करून चौकशी करावी, अशी मागणी भाजपने पालिका प्रशासनाकडे केली आहे. या संस्थेचे मुख्य विश्वस्त शिवसेनेचे सचिव व अभिनेते आदेश बांदेकर आहेत.
पालिकेच्या मुलुंड येथील कालिदास नाट्यगृह व क्रीडा संकुलाचे नूतनीकरण करून त्यावर कोट्यवधी रुपये खर्च करण्यात आले आहेत. मात्र या नाट्यगृहाच्या नूतनीकरणाचे काम पूर्ण होऊनही त्याचे लोकार्पण झालेले नाही. याबाबत भाजपचे मुलुंडचे नगरसेवक प्रकाश गंगाधरे यांनी प्रतिष्ठानचे अध्यक्ष, महापौर विश्वनाथ महाडेश्वर यांच्याशी पत्रव्यवहार केला आहे. मात्र त्यांच्याकडून याची दखल घेतली गेली नाही. त्यामुळे याचे त्वरित लोकार्पण केले जावे, अन्यथा हे संकुल आम्ही नागरिकांसाठी खुले करून देऊ, असा इशारा गंगाधरे यांनी दिला आहे.
मुलुंड आणि अंधेरीतील दोन्ही क्रीडा संकुले ललित कला व क्रीडा प्रतिष्ठानतफे चालवली जात असून यामध्ये मोठ्या प्रमाणात गैरप्रकार सुरू असल्याचा आरोप गंगाधरे यांनी केला आहे. कामगार भरतीच्या मुलाखती तसेच लग्न कार्यालयांसाठी या जागा भाड्याने देऊन कला व क्रीडा जोपासण्याऐवजी याचे व्यापारीकरण सुरू असल्याचा आरोप गंगाधरे यांनी केला. मंडळाचे अध्यक्ष महापौर व उपाध्यक्ष महापालिका आयुक्त असले तरी मुख्य विश्वस्त शिवसेनेचे सचिव आदेश बांदेकर हे आहेत. या ठिकाणी आदेश बांदेकर यांची मनमानी चालत असल्यामुळे या मंडळाच्या गैरकारभाराची चौकशी करावी, अशी मागणी भाजपने केली आहे. महापालिका आयुक्त अजय मेहता यांना पत्राद्वारे आपण ही मागणी केली असल्याचे गंगाधरे यांनी सांगितले.
बांदेकर यांचा खुलासा
पालिकेला व्यवस्थापन जमत नसल्याने अनेक वर्षांपूर्वी अंधेरीचे शहाजीराजे क्रीडा संकुल व मुलुंडचे कालिदास नाट्यगृह ललित कला व क्रीडा प्रतिष्ठानकडे सोपवण्यात आले. पालिकेचाच हा ट्रस्ट असून येथील कर्मचाऱ्यांचे वेतन ट्रस्ट देते. ट्रस्ट चालवण्यासाठी उत्पन्नाचा स्रोत म्हणून विविध उपक्रम राबविले जातात. ज्यावेळेस स्पर्धा नसतात तेव्हा हे कार्यक्रम आयोजित केले जातात. ही बाब ट्रस्टच्या नियमावलीत स्पष्ट करण्यात आली आहे. गंगाधरे यांना या ट्रस्टवर सदस्यत्व हवे होते. ते न मिळाल्याने ते आरोप करत असल्याचा दावा आदेश बांदेकर यांनी केला