मुंबई: 'फरसाण कारखाना आगीची चौकशी करणार'

मुंबई: साकीनाका भागातील भानू फारसाण कारखान्यात लागलेल्या भीषण आगीच्या घटनेची चौकशी करण्यात येणार असल्याचे मदत आणि पुनर्वसन मंत्री चंद्रकांत पाटील यांनी स्पष्ट केले आहे. पाटील यांनी आज विधानसभेत निवेदनाद्वारे ही माहिती दिली आहे.

यासंदर्भात निवेदन करताना पाटील म्हणाले की, आज पहाटे साडे तीनच्या सुमारास भानू फरसाण कारखान्याला आग लागली. प्राथमिक माहितीनुसार सिलेंडरच्या स्फोटाने आग लागली असल्याचे निदर्शनास येत आहे. घटनास्थळावरून १२ मृतदेह बाहेर काढण्यात आले. मात्र त्यातील दोघांची अद्याप ओळख पटलेली नाही अशी माहितीही पाटील यांनी दिली.