म. टा. खास प्रतिनिधी, मुंबई
ज्या बनावट तेलउत्पादक कंपनीवर यापूर्वी अन्न व औषध प्रशासनाने कारवाई केली, त्याच कंपनीच्या भेसळयुक्त तेलाच्या पिशव्या दुकानात पुन्हा ग्राहकांच्या माथी मारल्या जात आहेत. मालाड पूर्व येथील लालानी ग्रॅन्जरमध्ये एम. एल सुपरमार्केटमध्ये अशा प्रकारच्या भेसळयुक्त तेलाच्या पिशव्यांची सर्रास विक्री होत होती. यासंदर्भातील तक्रार 'मटा'ने एफडीएकडे केल्यानंतर गुरुवारी त्याच्यावर छापा टाकून नमुना पिशव्या जप्त करण्यात आल्या. या प्रकारच्या पिशव्यांचा एक बॉक्स विक्रेत्याने विकल्याचे 'एफडीए'कडे मान्य केले. मुंबईकरांच्या आरोग्याच्या दृष्टीने अशाप्रकारच्या भेसळयुक्त तेलविक्रीला चाप लावणे गरजेचे असले तरीही निवडणुकांच्या कामामुळे या प्रक्रियेला किमान महिनाभराचा काळ लागेल, असे कारवाई करणाऱ्या अधिकाऱ्यांनी 'मटा'ला सांगितले. मालाड येथील लालानी ग्रॅन्जरमधील एम. एल सुपरमार्केट या विक्रेत्याने जेमिनी या ब्रँडशी साम्य असणाऱ्या खाद्यतेलाच्या बनावट पिशव्या विक्रीसाठी ठेवल्या होत्या. तक्रारदाराने पाच लिटर तेलाच्या पाच पिशव्या एकशे पंचवीस रुपये प्रतीलिटर या दराने विकत घेतल्या. या तेलाचा रंग आणि त्यातील जडत्व पाहून या तेलामध्ये भेसळ असल्याचे त्यांच्या लक्षात आले. त्यानंतर त्यांनी या तेलाच्या पिशव्यांमध्ये भेसळ असल्याची शंका व्यक्त करून या पिशव्या दुकानदाराकडे परत पाठवल्या. कोणतीही खळखळ न करता दुकानदाराने त्या बदलूनही दिल्या.
मूळ जेमिनी या तेलाच्या ब्रॅण्डची नक्कल करण्यासाठी Genuine असे स्पेलिंग पिशवीवर छापले होते. बंधनकारक असणारा बॅचचा क्रमांकही पिशव्यांवर नव्हता. ठाण्यातील एम. एम. ऑईल एन्टरप्रायझेस या कंपनीचे नाव या पिशव्यांवर छापले आहे. मे, २०१७मध्ये याच प्रकारे भेसळयुक्त तेलाची विक्री करणाऱ्या या कंपनीवर छापे टाकण्यात आले होते. तरीही या तेलाची विक्री सर्रास सुरू आहे. यासंदर्भात एफडीएकडे तक्रार केल्यानंतर या दुकानावर छापे टाकल्यानंतर या प्रकारच्या तेलाच्या पिशव्या विकल्याची कबुली संबधित दुकानदारने एफडीएकडे दिल्याची माहिती 'एफडीए'च्या गिरीश लिंबुरकर यांनी दिली. यावेळी एक लिटर तेलाच्या पिशव्यांचे दोन नमुने दुकानामध्ये उपलब्ध होते, ते ताब्यात घेऊन एफडीएच्या प्रयोगशाळेमध्ये तपासणीसाठी पाठवण्यात आले आहेत. त्यातील अंतिम निष्कर्ष येण्यासाठी एक महिन्याचा कालावधी लागेल, असे ते म्हणाले. एफडीएचे सहआयुक्त (अन्न) शैलेश आढाव यांनी या तेलांमधील भेसळीच्या संदर्भातील अंतिम निष्कर्ष हाती आल्यानंतर पुढील कारवाई करण्यात येईल, असे स्पष्ट केले. आरोग्यासाठी घातक एफडीएने काही दिवसांपूर्वी तळणासाठी एकदा वापरात आलेले तेल पुन्हा वापरण्यात येऊ नये, अशा प्रकारचे निर्देश दिले आहेत. खाऊच्या गाड्या तसेच दुकानांमध्ये एकाच प्रकारचे तेल पुन:पुन्हा वापरण्यात येते. त्यामुळे घशाचा संसर्ग, खोकला तसेच श्वसनमार्गाच्या विकारासह पोटाचे विकार होण्याचीही शक्यता असते. त्याचवेळी अशा भेसळयुक्त तेलाच्या संदर्भात कारवाई होऊनही असा प्रकार पुन्हा होत असेल तर एफडीए कोणती कारवाई करणार, याकडे मुंबईकरांचे लक्ष लागून राहिले आहे.
ज्या बनावट तेलउत्पादक कंपनीवर यापूर्वी अन्न व औषध प्रशासनाने कारवाई केली, त्याच कंपनीच्या भेसळयुक्त तेलाच्या पिशव्या दुकानात पुन्हा ग्राहकांच्या माथी मारल्या जात आहेत. मालाड पूर्व येथील लालानी ग्रॅन्जरमध्ये एम. एल सुपरमार्केटमध्ये अशा प्रकारच्या भेसळयुक्त तेलाच्या पिशव्यांची सर्रास विक्री होत होती. यासंदर्भातील तक्रार 'मटा'ने एफडीएकडे केल्यानंतर गुरुवारी त्याच्यावर छापा टाकून नमुना पिशव्या जप्त करण्यात आल्या. या प्रकारच्या पिशव्यांचा एक बॉक्स विक्रेत्याने विकल्याचे 'एफडीए'कडे मान्य केले. मुंबईकरांच्या आरोग्याच्या दृष्टीने अशाप्रकारच्या भेसळयुक्त तेलविक्रीला चाप लावणे गरजेचे असले तरीही निवडणुकांच्या कामामुळे या प्रक्रियेला किमान महिनाभराचा काळ लागेल, असे कारवाई करणाऱ्या अधिकाऱ्यांनी 'मटा'ला सांगितले. मालाड येथील लालानी ग्रॅन्जरमधील एम. एल सुपरमार्केट या विक्रेत्याने जेमिनी या ब्रँडशी साम्य असणाऱ्या खाद्यतेलाच्या बनावट पिशव्या विक्रीसाठी ठेवल्या होत्या. तक्रारदाराने पाच लिटर तेलाच्या पाच पिशव्या एकशे पंचवीस रुपये प्रतीलिटर या दराने विकत घेतल्या. या तेलाचा रंग आणि त्यातील जडत्व पाहून या तेलामध्ये भेसळ असल्याचे त्यांच्या लक्षात आले. त्यानंतर त्यांनी या तेलाच्या पिशव्यांमध्ये भेसळ असल्याची शंका व्यक्त करून या पिशव्या दुकानदाराकडे परत पाठवल्या. कोणतीही खळखळ न करता दुकानदाराने त्या बदलूनही दिल्या.
मूळ जेमिनी या तेलाच्या ब्रॅण्डची नक्कल करण्यासाठी Genuine असे स्पेलिंग पिशवीवर छापले होते. बंधनकारक असणारा बॅचचा क्रमांकही पिशव्यांवर नव्हता. ठाण्यातील एम. एम. ऑईल एन्टरप्रायझेस या कंपनीचे नाव या पिशव्यांवर छापले आहे. मे, २०१७मध्ये याच प्रकारे भेसळयुक्त तेलाची विक्री करणाऱ्या या कंपनीवर छापे टाकण्यात आले होते. तरीही या तेलाची विक्री सर्रास सुरू आहे. यासंदर्भात एफडीएकडे तक्रार केल्यानंतर या दुकानावर छापे टाकल्यानंतर या प्रकारच्या तेलाच्या पिशव्या विकल्याची कबुली संबधित दुकानदारने एफडीएकडे दिल्याची माहिती 'एफडीए'च्या गिरीश लिंबुरकर यांनी दिली. यावेळी एक लिटर तेलाच्या पिशव्यांचे दोन नमुने दुकानामध्ये उपलब्ध होते, ते ताब्यात घेऊन एफडीएच्या प्रयोगशाळेमध्ये तपासणीसाठी पाठवण्यात आले आहेत. त्यातील अंतिम निष्कर्ष येण्यासाठी एक महिन्याचा कालावधी लागेल, असे ते म्हणाले. एफडीएचे सहआयुक्त (अन्न) शैलेश आढाव यांनी या तेलांमधील भेसळीच्या संदर्भातील अंतिम निष्कर्ष हाती आल्यानंतर पुढील कारवाई करण्यात येईल, असे स्पष्ट केले. आरोग्यासाठी घातक एफडीएने काही दिवसांपूर्वी तळणासाठी एकदा वापरात आलेले तेल पुन्हा वापरण्यात येऊ नये, अशा प्रकारचे निर्देश दिले आहेत. खाऊच्या गाड्या तसेच दुकानांमध्ये एकाच प्रकारचे तेल पुन:पुन्हा वापरण्यात येते. त्यामुळे घशाचा संसर्ग, खोकला तसेच श्वसनमार्गाच्या विकारासह पोटाचे विकार होण्याचीही शक्यता असते. त्याचवेळी अशा भेसळयुक्त तेलाच्या संदर्भात कारवाई होऊनही असा प्रकार पुन्हा होत असेल तर एफडीए कोणती कारवाई करणार, याकडे मुंबईकरांचे लक्ष लागून राहिले आहे.