ड्रायव्हरच्या मुलाच्या लग्नाला सलमानची हजेरी

मटा ऑनलाइन वृत्त । मुंबई

बॉलिवूडचा 'भाईजान' सलमान खान याच्या मोठेपणाचा त्याच्या ड्रायव्हरने सुखद अनुभव घेतला आहे. केवळ एका शब्दावर सलमान मुलाच्या लग्नाला उपस्थित राहिल्यानं सलमानच्या ड्रायव्हरला आकाश ठेंगणं झालं आहे.

सलमानच्या ड्रायव्हरच्या मुलाचं लग्न होतं. ड्रायव्हरनं सलमानला या लग्नाला येण्याचं आमंत्रणही दिलं होतं. पण सलमानच्या बिझी शेड्युलमुळे तो लग्नाला येईलच याची शाश्वती त्याला नव्हती. मात्र घडले उलटेच. सलमान ड्रायव्हरच्या मुलाच्या लग्नाला उपस्थित राहिलाच पण एकटा नाही तर सहकुटूंब. त्याच्यासोबत त्याची बहिण अर्पिता आणि अलविराही उपस्थित होत्या. याशिवाय संगीतकार वाजीद खान, सूरज पांचोली आणि हिमेश रेशमिया हे सुद्धा यावेळी उपस्थित होते. सलमानने वधू-वरांना आशीर्वाद तर दिलेच शिवाय नवदाम्पत्यांसोबत फोटोही काढले.