मटा ऑनलाइन वृत्त । मुंबई
मुंबई महापालिका निवडणुकीच्या तारखा अद्याप घोषित व्हायच्या असल्या तरी राजकीय पक्षांनी आपापले शिलेदार ठरवायला सुरुवात केली आहे. राष्ट्रवादी काँग्रेस पाठोपाठ समाजवादी पक्षानं आज २३ उमेदवारांची पहिली यादी जाहीर केली.
समाजवादी पक्षाचे महाराष्ट्र प्रदेशाध्यक्ष अबू आझमी यांनी पत्रकार परिषद घेऊन उमेदवारांच्या नावांची घोषणा केली. समाजवादी पक्षावर नेमका हक्क कुणाचा, यावरून उत्तर प्रदेशात सध्या घमासान सुरू आहे. मात्र, आझमी यांनी अखिलेश यादव यांच्या गटात जाऊन आपल्या परीनं या प्रश्नाचा आधीच निकाल लावून टाकला आहे. मुंबईच्या निवडणुकीसाठी उमेदवार जाहीर करून त्यांनी आज आणखी एक पाऊल पुढं टाकलं. मुंबईत आमचा पक्ष किमान १०० ते ११५ जागा लढवेल,' असं आझमी यांनी स्पष्ट केलं. मुंबईतील मुस्लिम व उत्तर भारतीयांच्या मतांवर भिस्त ठेवून असणाऱ्या सपाच्या पहिल्या यादीत १७ मुस्लिम, ५ उत्तर भारतीय व एका ख्रिश्चन उमेदवाराचा समावेश आहे.
मुंबई महापालिका निवडणुकीच्या तारखा अद्याप घोषित व्हायच्या असल्या तरी राजकीय पक्षांनी आपापले शिलेदार ठरवायला सुरुवात केली आहे. राष्ट्रवादी काँग्रेस पाठोपाठ समाजवादी पक्षानं आज २३ उमेदवारांची पहिली यादी जाहीर केली.
समाजवादी पक्षाचे महाराष्ट्र प्रदेशाध्यक्ष अबू आझमी यांनी पत्रकार परिषद घेऊन उमेदवारांच्या नावांची घोषणा केली. समाजवादी पक्षावर नेमका हक्क कुणाचा, यावरून उत्तर प्रदेशात सध्या घमासान सुरू आहे. मात्र, आझमी यांनी अखिलेश यादव यांच्या गटात जाऊन आपल्या परीनं या प्रश्नाचा आधीच निकाल लावून टाकला आहे. मुंबईच्या निवडणुकीसाठी उमेदवार जाहीर करून त्यांनी आज आणखी एक पाऊल पुढं टाकलं. मुंबईत आमचा पक्ष किमान १०० ते ११५ जागा लढवेल,' असं आझमी यांनी स्पष्ट केलं. मुंबईतील मुस्लिम व उत्तर भारतीयांच्या मतांवर भिस्त ठेवून असणाऱ्या सपाच्या पहिल्या यादीत १७ मुस्लिम, ५ उत्तर भारतीय व एका ख्रिश्चन उमेदवाराचा समावेश आहे.