मुंबई काँग्रेस अध्यक्षपदावरून निरुपम पायउतार

मटा ऑनलाइन वृत्त । मुंबई

मुंबई महापालिका निवडणुकीत झालेल्या दारुण पराभवाची जबाबदारी स्वीकारत संजय निरुपम यांनी मुंबई काँग्रेस अध्यक्षपदाचा राजीनामा दिला आहे. संजय निरुपम यांनी आपला राजीनामा पक्ष नेतृत्वाकडे सोपवला आहे.

पक्ष विरोधी काम करणाऱ्यांवर कारवाई करण्याची मागणी संजय निरुपम यांनी पत्रकार परिषदेत केली. मुंबई महापालिका निवडणुकीची घोषणा झाल्यानंतर काँग्रेसमधील अंतर्गत गटबाजी उफाळून आली. काँग्रेस नेते गुरूदास कामत यांनी निरुपम यांच्या कार्यपद्धतीला उघड विरोध करत प्रचारापासून दूर राहिले होते.