राम मंदिरासाठी शिवसेनेचे एक कोटी; काँग्रेस नेत्याने केली टीका

मुंबई: राम मंदिराच्या मुद्द्यावरून काँग्रेस नेते संजय निरुपम यांनी शिवसेनेवर टीका केली आहे. राम मंदिराला दिलेल्या निधीवरून शिवसेना आणि मुंबईच्या महापौरांनी परस्परविरोधी विधाने केली आहेत. त्यामुळे कोणतं विधान खरं मानायचं? आपल्या विधानावरून महापौर माघार घेणार की शिवसेना दान मागे घेणार?, असा सवाल संजय निरुपम यांनी केला आहे.

संजय निरुपम यांनी ट्विट करून शिवसेनेवर पुन्हा एकदा हल्ला चढवला आहे. अयोध्येत राम मंदिर बांधण्यासाठी एक कोटी रुपये देण्याची शिवसेनेने घोषणा केली होती. ( अजून निधी दिला की नाही माहीत नाही) मुंबईच्या महापौर किशोरी पेडणेकर यांनी मंदिर-मशीद बांधण्याऐवजी रुग्णालय बांधण्यासाठी पैसे खर्च करावेत, अशी मागणी केली आहे. त्यामुळे महापौर त्यांचं विधान मागे घेणार की शिवसेना दिलेलं दान मागे घेणार आहेत?, असा सवाल निरुपम यांनी केला आहे.

जगात डंका! करोना रोखण्यासाठी फिलिपाइन्स राबवणार 'धारावी पॅटर्न'

महापौर किशोरी पेडणेकर यांनी एका वृत्तपत्राला मुलाखत देताना हे विधान केलं होतं. यंदा वर्षभर शाळा सुरू होणार नसल्याने शाळेचा निधी आरोग्य सेवेवर वळवायला पाहिजे. त्यातून नवीन रुग्णालये उभी केली पाहिजेत. करोना रोखण्यासाठी आपण आपत्कालीन निधीही वापराला आहे, असं सांगतानाच करोनाच्या संकटाने संपूर्ण जगाला आरोग्याबाबत सजग राहण्याचा धडा दिला आहे. त्यामुळे मंदिर, मशीद आणि गुरुद्वारा बांधण्याऐवजी रुग्णायले बांधून रुग्णालये हीच मंदिरे करण्याची गरज आहे, असं पेडणेकर यांनी म्हटलं आहे. महापौरांनी या मुलाखतीत थेट राम मंदिराचा उल्लेख केला नव्हते किंवा त्यांच्या विधानाचा तसा हेतूही नव्हता. तरीही निरुपम यांनी या विधानाच संबंध थेट राम मंदिराशी जोडून शिवसेनेला घेरण्याचा प्रयत्न केला आहे.


खरंच की काय? चीनमधील खाणीत २०१२ मध्ये आढळला होता करोना!

रोहित पवारांच्या 'त्या' ट्वीटला नीलेश राणेंचं उत्तर