aryan khan case : 'संजय राऊतजी व्हिडिओ डिलिट करू नका, काळ्या कपड्यातील ही व्यक्ती कोण?'

मुंबईः आर्यन खान अंमली पदार्थ प्रकरणावरून ( Cruise Drug Case Mumbai ) राजकारण तापलं आहे. राज्यातील सत्ताधारी महाविकास आघाडीतील शिवसेना, राष्ट्रवादी आणि काँग्रेसच्या नेत्यांनी विरोधी पक्ष भाजपवर हल्लाबोल केला आहे. तसंच अल्पसंख्याक मंत्री नवाब मलिक यांनी एनसीचीबीचे विभागीय संचालक समीर वानखेडेंवर निशाणा साधला आहे. शिवसेनेचे नेते संजय राऊत ( sanjay raut ) यांनीही ट्विट करत भाजपवर हल्लाबोल केला आहे. आता मुंबईतील भाजपचे नेते मोहीत कम्बोज ( mohit kamboj ) यांनी ट्विट करून संजय राऊत यांना प्रश्न केला आहे. एवढचं नव्हे तर कम्बोज यांनी अल्पसंख्याक मंत्री नवाब मलिक यांनाही प्रश्न केला आहे.

आर्यन खान प्रकरणात चर्चेत आलेला किरण गोसावी याचा खासगी बॉडीगार्ड प्रभाकर साईल याचा एक व्हायरल व्हिडिओ समोर आला आहे. या व्हिडिओतून साईल यांनी आर्यन खान प्रकरणात २५ कोटींची डील झाल्याचा दावा केला आहे. या व्हिडिओची महाराष्ट्र पोलिसांनी गंभीर दखल घ्यावी आणि कारवाई करावी, अशी मागणी शिवसेना नेते संजय राऊत यांनी केली आहे. तसंच या प्रकरणात भाजप काही संबंध आहे का? हेही उघड होईल. केंद्रीय यंत्रणा मुंबईत येतात आणि तपास करतात. यातून महाराष्ट्र सरकारची बदनामी करण्याचा प्रयत्न सुरू आहे, असा आरोप संजय राऊत यांनी केला. आता भाजपचे मुंबईतील नेते मोहीमत कम्बोज यांनी एक ट्विट करत संजय राऊत यांना प्रश्न विचारला आहे.

किरण गोसावी आर्यन खानशी बोलत असताना एक फोटो मोहीम कम्बोज यांनी पोस्ट केला आहे. या फोटोत किरोण गोसावी आर्यन खान आणि काळे कपडे घातलेली आणखी एक व्यक्ती दिसतेय. त्यावरून कम्बोज यांनी संजय राऊत यांना प्रश्न केला आहे. संजय राऊतजी हा व्हिडिओ अजिबात डिलिट करू नका! यातील काळ्या कपडतीली व्यक्ती कोण आहे! कुठल्या पक्षाचे नेते, अभिनेते आणि मंत्र्यांचा याच्याशी संबंध आहे? संजय राऊतजी उत्तर द्या?, असा प्रश्ना कम्बोज यांनी ट्विटमध्ये विचारला आहे.

आर्यन खान प्रकरणात साक्षीदाराकडून कोऱ्या कागदावर सह्या?; समीर वानखेडे म्हणतात...

विशेष म्हणजे संजय राऊत यांनी एक व्हिडिओ ट्विट केला होता. त्या व्हिडिओतील एक स्क्रीन शॉट कम्बोज यांनी काढूला आहे. कम्बोज यांनी ट्विट करतांना संजय राऊत आणि नबाव मलिक यांना टॅग करून थेट सवाल केला आहे. तसंच आपल्या ट्विटर हँडला पिन केला आहे. आता संजय राऊत कम्बोज यांच्या प्रश्नाला काय उत्तर देतात, याकडे सर्वांचं लक्ष आहे.

समीर वानखेडेंवर मलिकांचे गंभीर आरोप; गृहमंत्र्यांना भेटणार, केली मोठी मागणी

मुंबईवरुन गोव्याला जाणाऱ्या क्रूझवर २ ऑक्टोबरला एनसीबीने केलेल्या कारवाईमध्ये भाजपाचे नेते मोहित कम्बोज यांचा मेहुणा ऋषभ सचदेवालासुद्धा ताब्यात घेण्यात आल्याचा दावा राष्ट्रवादी काँग्रेसचे प्रवक्ते नवाब मलिक यांनी केला होता.