म.टा. खास प्रतिनिधी, मुंबई
पोलिसांना संशय येऊ नये म्हणून अंमली पदार्थ तस्करीसाठी स्कूल बसचा वापर करणाऱ्या दोघांना मुंबई गुन्हे शाखेच्या पथकाने रविवारी अटक केली. सलीम खान आणि नुरूलहुदा शेख अशी त्यांची नावे असून, त्यांच्याकडून दीड कोटी किमतीचा १० किलो 'एमडी'चा साठा हस्तगत करण्यात आला आहे.
'एमडी' हा घातक अंमली पदार्थ मुंबईत मोठ्या प्रमाणात वितरित होत असल्याची माहुती गुन्हे शाखा युनिट ९ला मिळाली. प्रभारी पोलिस निरीक्षक महेश देसाई, महिला पोलिस निरीक्षक आशा कोरके, सहाय्यक निरीक्षक इरफान शेख, शरद दराडे, उपनिरीक्षक वाल्मिक कोरे, प्रदीप बनसोडे यांच्यासह त्यांचे पथक दीड महिन्यांपासून अंमली पदार्थ तस्कराच्या मागावर होते. अखेर रविवारी दोघांनीही वेगवेगळ्या ठिकाणांहून अटक केल्याचे पोलिस उपायुक्त निसार तांबोळी यांनी सांगितले. सलीम हा डोंगरीचा, तर शेख नालासोपाऱ्याचा रहिवासी आहे.
सलीम आणि शेख दोन वर्षांपासून 'एमडी'ची तस्करी करीत आहेत. पालघर येथील फॅक्टरीतून स्कूल बसने ते हा अंमली पदार्थ मुंबईत आणतात. सलीम हा साठा घरातच ठेवायचा आणि विश्वासातील महिलांमार्फत वितरित करायचा. या दोघांमागे अंडरवर्ल्डमधील बड्या धेंडाचा हात असल्याची शक्यता वर्तवण्यात येत आहे. दोन वर्षांपासून खुलेआम हा व्यवसाय सुरू असतानाही त्यांच्याविरोधात कुणा तक्रार किंवा गुन्हा दाखल नसल्याचे पोलिसांनी सांगितले.
पोलिसांना संशय येऊ नये म्हणून अंमली पदार्थ तस्करीसाठी स्कूल बसचा वापर करणाऱ्या दोघांना मुंबई गुन्हे शाखेच्या पथकाने रविवारी अटक केली. सलीम खान आणि नुरूलहुदा शेख अशी त्यांची नावे असून, त्यांच्याकडून दीड कोटी किमतीचा १० किलो 'एमडी'चा साठा हस्तगत करण्यात आला आहे.
'एमडी' हा घातक अंमली पदार्थ मुंबईत मोठ्या प्रमाणात वितरित होत असल्याची माहुती गुन्हे शाखा युनिट ९ला मिळाली. प्रभारी पोलिस निरीक्षक महेश देसाई, महिला पोलिस निरीक्षक आशा कोरके, सहाय्यक निरीक्षक इरफान शेख, शरद दराडे, उपनिरीक्षक वाल्मिक कोरे, प्रदीप बनसोडे यांच्यासह त्यांचे पथक दीड महिन्यांपासून अंमली पदार्थ तस्कराच्या मागावर होते. अखेर रविवारी दोघांनीही वेगवेगळ्या ठिकाणांहून अटक केल्याचे पोलिस उपायुक्त निसार तांबोळी यांनी सांगितले. सलीम हा डोंगरीचा, तर शेख नालासोपाऱ्याचा रहिवासी आहे.
सलीम आणि शेख दोन वर्षांपासून 'एमडी'ची तस्करी करीत आहेत. पालघर येथील फॅक्टरीतून स्कूल बसने ते हा अंमली पदार्थ मुंबईत आणतात. सलीम हा साठा घरातच ठेवायचा आणि विश्वासातील महिलांमार्फत वितरित करायचा. या दोघांमागे अंडरवर्ल्डमधील बड्या धेंडाचा हात असल्याची शक्यता वर्तवण्यात येत आहे. दोन वर्षांपासून खुलेआम हा व्यवसाय सुरू असतानाही त्यांच्याविरोधात कुणा तक्रार किंवा गुन्हा दाखल नसल्याचे पोलिसांनी सांगितले.