म. टा. विशेष प्रतिनिधी, मुंबई
राज्यातील सीनिअर आणि ज्युनिअर कॉलेजांच्या शिक्षकांप्रमाणेच आता माध्यमिक शिक्षकांनाही कार्यरजा मिळणार असून, याबाबत तातडीने शासन निर्णय काढणार असल्याचे आश्वासन शिक्षणमंत्री विनोद तावडे यांनी शिक्षक परिषदेचे अनिल बोरनारे यांना दिले. यामुळे हजारो माध्यमिक शिक्षकांना दिलासा मिळणार आहे.
सीनिअर आणि ज्युनिअर कॉलेजांमधील शिक्षकांना विविध चर्चासत्रांमध्ये संशोधन अहवाल वाचण्यासाठी अथवा उपस्थित राहण्यासाठी कार्यरजा देण्याबाबतचा निर्णय शालेय शिक्षण विभागाने २८ फेब्रुवारी रोजी घेतला. मात्र, यात माध्यमिक शिक्षकांचा समावेश न केल्याने निर्णयात दुरुस्ती करावी, अशी मागणी बोरनारे यांनी शिक्षणमंत्र्यांकडे केली होती. याबाबत बोरनारे यांनी मंगळवारी तावडे यांची भेट घेऊन चर्चा केली असता, तावडे यांनी कार्यरजेबाबतचे आश्वासन दिले.
राज्यातील भाषा, गणित, विज्ञान तसेच अन्य विषयांतील गुणवत्तावाढीसाठी संघटना दरवर्षी कृतीसत्रांचे आयोजन करीत असतात. या सत्रांना शिक्षक आता मोठ्या संख्येने उपस्थित राहतील व शैक्षणिक गुणवत्ता वाढण्यास मदत होऊ शकेल, असे सांगण्यात आले.
राज्यातील सीनिअर आणि ज्युनिअर कॉलेजांच्या शिक्षकांप्रमाणेच आता माध्यमिक शिक्षकांनाही कार्यरजा मिळणार असून, याबाबत तातडीने शासन निर्णय काढणार असल्याचे आश्वासन शिक्षणमंत्री विनोद तावडे यांनी शिक्षक परिषदेचे अनिल बोरनारे यांना दिले. यामुळे हजारो माध्यमिक शिक्षकांना दिलासा मिळणार आहे.
सीनिअर आणि ज्युनिअर कॉलेजांमधील शिक्षकांना विविध चर्चासत्रांमध्ये संशोधन अहवाल वाचण्यासाठी अथवा उपस्थित राहण्यासाठी कार्यरजा देण्याबाबतचा निर्णय शालेय शिक्षण विभागाने २८ फेब्रुवारी रोजी घेतला. मात्र, यात माध्यमिक शिक्षकांचा समावेश न केल्याने निर्णयात दुरुस्ती करावी, अशी मागणी बोरनारे यांनी शिक्षणमंत्र्यांकडे केली होती. याबाबत बोरनारे यांनी मंगळवारी तावडे यांची भेट घेऊन चर्चा केली असता, तावडे यांनी कार्यरजेबाबतचे आश्वासन दिले.
राज्यातील भाषा, गणित, विज्ञान तसेच अन्य विषयांतील गुणवत्तावाढीसाठी संघटना दरवर्षी कृतीसत्रांचे आयोजन करीत असतात. या सत्रांना शिक्षक आता मोठ्या संख्येने उपस्थित राहतील व शैक्षणिक गुणवत्ता वाढण्यास मदत होऊ शकेल, असे सांगण्यात आले.