मुंबईः नौदल गोदीत गोळी लागून सुरक्षा रक्षक ठार

म.टा. प्रतिनिधी, मुंबईः पश्चिम कमांडचे मुख्यालय असलेल्या येथील नौदल गोदीत कर्तव्यावर असलेला सुरक्षा रक्षक गोळी लागून ठार झाला. गुरूवारी सायंकाळी ही धक्कादायक घटना घडली. नाविक अखिलेश यादव असे त्याचे नाव आहे.

अखिलेश यादव हा गुरूवारी सायंकाळी नियमित कर्तव्यावर असताना गोळी लागून कोसळल्याचे आढळले. त्यानंतर त्याला तात्काळ आयएनएचएस अश्विनी या इस्पितळात नेले. पण तेथे डॉक्टरांनी त्याला मृत घोषित केले. ही गोळी कदाचित त्याच्याच बंदुकीतून लागली असावी, अशी शक्यता आहे. नौदल तसेच स्थानिक पोलीस याबाबत अधिक तपास करीत आहेत, असे नौदलाकडून सांगण्यात आले आहे.