म. टा. विशेष प्रतिनिधी, मुंबई
मुंबईत पाळीव प्राण्यांसाठी स्वतंत्र स्मशानभूमीची कमतरता जाणवत आहे. संपूर्ण शहराचा विचार करता व पाळीव प्राण्यांची संख्या लक्षात घेता ही उणीव दूर करण्यासाठी मुंबई पालिकेने पुढाकार घेतला आहे. पालिकेच्या सात विभागांमध्ये पाळीव प्राण्यांसाठी स्वतंत्र स्मशानभूमी बांधण्यात येणार आहेत. याची सुरुवात दहिसरमधून केली जात असून, मुंबईतील पाळीव प्राण्यांसाठीची पालिकेची ही पहिलीच 'वैकुंठभूमी' ठरणार आहे.
पाळीव प्राण्यांसाठीच्या स्मशानभूमींचे सादरीकरण महापौर किशोरी पेडणेकर यांच्या उपस्थितीत भायखळ्यातील महापौर निवासस्थानी नुकतेच करण्यात आले. पुढील कालावधीत मुंबईत पालिकेच्या सात विभागांत प्रत्येकी एक याप्रमाणे सात स्मशानभूमी बांधल्या जाणार आहेत. यासाठी पालिकेने २५ लाख रुपयांची तरतूद केली आहे.
'पश्चिम उपनगरांत एखादा प्राणी मरण पावल्यास, त्याच्यावर खादी ग्रामउद्योग संस्थेकडून अंतिम संस्कार केले जातात. प्राण्यांसाठी खासगी स्मशानभूमी असली तरी, पालिकेकडून अशी सोय नव्हती. त्यामुळे आता दहिसरमध्ये साधारण अडीच हजार चौरस फूट जागेत पहिली स्मशानभूमी बांधली जात आहे. सात विभागांत अशा स्मशानभूमी बांधल्या जातील', असे महापौर पेडणेकर यांनी सांगितले, तर 'सर्वप्रथम दहिसरमध्ये बांधल्या जाणाऱ्या या स्मशानभूमीत विद्युत शवदाहिनीचाही समावेश असेल', असे आर/उत्तर विभागाच्या सहायक पालिका आयुक्त मृदुला अंडे यांनी नमूद केले.
मुंबईत पाळीव प्राण्यांसाठी स्वतंत्र स्मशानभूमीची कमतरता जाणवत आहे. संपूर्ण शहराचा विचार करता व पाळीव प्राण्यांची संख्या लक्षात घेता ही उणीव दूर करण्यासाठी मुंबई पालिकेने पुढाकार घेतला आहे. पालिकेच्या सात विभागांमध्ये पाळीव प्राण्यांसाठी स्वतंत्र स्मशानभूमी बांधण्यात येणार आहेत. याची सुरुवात दहिसरमधून केली जात असून, मुंबईतील पाळीव प्राण्यांसाठीची पालिकेची ही पहिलीच 'वैकुंठभूमी' ठरणार आहे.
पाळीव प्राण्यांसाठीच्या स्मशानभूमींचे सादरीकरण महापौर किशोरी पेडणेकर यांच्या उपस्थितीत भायखळ्यातील महापौर निवासस्थानी नुकतेच करण्यात आले. पुढील कालावधीत मुंबईत पालिकेच्या सात विभागांत प्रत्येकी एक याप्रमाणे सात स्मशानभूमी बांधल्या जाणार आहेत. यासाठी पालिकेने २५ लाख रुपयांची तरतूद केली आहे.
'पश्चिम उपनगरांत एखादा प्राणी मरण पावल्यास, त्याच्यावर खादी ग्रामउद्योग संस्थेकडून अंतिम संस्कार केले जातात. प्राण्यांसाठी खासगी स्मशानभूमी असली तरी, पालिकेकडून अशी सोय नव्हती. त्यामुळे आता दहिसरमध्ये साधारण अडीच हजार चौरस फूट जागेत पहिली स्मशानभूमी बांधली जात आहे. सात विभागांत अशा स्मशानभूमी बांधल्या जातील', असे महापौर पेडणेकर यांनी सांगितले, तर 'सर्वप्रथम दहिसरमध्ये बांधल्या जाणाऱ्या या स्मशानभूमीत विद्युत शवदाहिनीचाही समावेश असेल', असे आर/उत्तर विभागाच्या सहायक पालिका आयुक्त मृदुला अंडे यांनी नमूद केले.