म. टा. खास प्रतिनिधी, मुंबई
आपल्या मुला-मुलीचे प्राण वाचवण्यासाठी वेळ पडली तर आई कोणताही विचार करत नाही. तिला आपल्या मुलांच्या जिवापेक्षा दुसरे काहीच मौल्यवान नसते. या घटनेची प्रचिती एका सत्तर वर्षांच्या आईने पंचेचाळीस वर्षांच्या मुलाला मूत्रपिंडाचे अवयवदान करून दिली आहे. मुंबईच्या नानावटी रुग्णालयामध्ये ही शस्त्रक्रिया करण्यात आली.
उत्तर प्रदेश येथील पंचेचाळीस वर्षीय जुनैद हे पॉलिसिस्टिक या मूत्रपिंडाच्या व्याधीने त्रस्त होते. त्यांच्या मूत्रपिंडांना सूज येत होती. त्यामुळे प्रकृती अस्वास्थाच्या अनेक तक्रारी निर्माण झाल्या होत्या आणि त्यामुळे झालेल्या गुंतागुंतीवर मात करण्यासाठी मूत्रपिंडाचे दान हा एकच उपाय होता. जुनैद यांना उत्तर प्रदेशातून मुंबईत आणण्यात आले. त्यांच्या मूत्रपिंडांचा आकार वाढून चोवीस सेंटीमीटर इतका झाला होता. सामान्यतः हा आकार नऊ ते दहा सेंटीमीटर इतका असतो. त्यामुळे मूत्रपिंडांची कार्यक्षमताही कमी झाली होती. दिवसेंदिवस वाढत चाललेली गुंतागुंत पाहता डॉक्टरांनी शस्त्रक्रिया करून जुनैद यांची दोन्ही मूत्रपिंडे काढली. त्यानंतर त्यांना हेमोडायलिसिसवर ठेवण्यात आले होते. त्यांची प्रकृती स्थिर ठेवण्यासाठी सहा वेगवेगळी औषधे घ्यावी लागत होती.
जुनैदना खूप वेदना होत होत्या आणि त्यांची प्रकृती दिवसेंदिवस ढासळत चालली होती. केवळ मूत्रपिंड प्रत्यारोपणामुळेच त्यांचा जीव वाचू शकला असता. आपल्या मुलाची स्थिती पाहून त्यांच्या आईने, फातिमा यांनी स्वतःचे मूत्रपिंड देण्याचा निर्णय घेतला. 'पॉलिसिस्टिक हा एक अनुवांशिक विकार असून, त्यामुळे मूत्रपिंडात गाठी तयार होतात. या गाठींमुळे मूत्रपिंड फुगते. जुनैद यांचे क्रिएटिनीन नऊपर्यंत गेले होते. फक्त मूत्रपिंडरोपणामुळेच त्यांच्या जिवाचा धोका टळला असता, असे मूत्रपिंडविकारतज्ज्ञ डॉ. अनुप चौधरी यांनी सांगितले. दाता म्हणून जुनैदच्या आईने पुढाकार घेतला तेव्हा तिचे वय पाहता डॉक्टरांनाही काळजी वाटत होती. मात्र, मुलाला जीवदान देण्याची त्यांची इच्छाशक्ती दांडगी होती. सर्व वैद्यकीय अहवाल व्यवस्थित आल्यानंतर जुनैद यांच्यावर ही शस्त्रक्रिया करण्यात आली. आई आणि मुलगा दोघांचीही प्रकृती व्यवस्थित असल्याचे डॉक्टरांनी सांगितले.
आपल्या मुला-मुलीचे प्राण वाचवण्यासाठी वेळ पडली तर आई कोणताही विचार करत नाही. तिला आपल्या मुलांच्या जिवापेक्षा दुसरे काहीच मौल्यवान नसते. या घटनेची प्रचिती एका सत्तर वर्षांच्या आईने पंचेचाळीस वर्षांच्या मुलाला मूत्रपिंडाचे अवयवदान करून दिली आहे. मुंबईच्या नानावटी रुग्णालयामध्ये ही शस्त्रक्रिया करण्यात आली.
उत्तर प्रदेश येथील पंचेचाळीस वर्षीय जुनैद हे पॉलिसिस्टिक या मूत्रपिंडाच्या व्याधीने त्रस्त होते. त्यांच्या मूत्रपिंडांना सूज येत होती. त्यामुळे प्रकृती अस्वास्थाच्या अनेक तक्रारी निर्माण झाल्या होत्या आणि त्यामुळे झालेल्या गुंतागुंतीवर मात करण्यासाठी मूत्रपिंडाचे दान हा एकच उपाय होता. जुनैद यांना उत्तर प्रदेशातून मुंबईत आणण्यात आले. त्यांच्या मूत्रपिंडांचा आकार वाढून चोवीस सेंटीमीटर इतका झाला होता. सामान्यतः हा आकार नऊ ते दहा सेंटीमीटर इतका असतो. त्यामुळे मूत्रपिंडांची कार्यक्षमताही कमी झाली होती. दिवसेंदिवस वाढत चाललेली गुंतागुंत पाहता डॉक्टरांनी शस्त्रक्रिया करून जुनैद यांची दोन्ही मूत्रपिंडे काढली. त्यानंतर त्यांना हेमोडायलिसिसवर ठेवण्यात आले होते. त्यांची प्रकृती स्थिर ठेवण्यासाठी सहा वेगवेगळी औषधे घ्यावी लागत होती.
जुनैदना खूप वेदना होत होत्या आणि त्यांची प्रकृती दिवसेंदिवस ढासळत चालली होती. केवळ मूत्रपिंड प्रत्यारोपणामुळेच त्यांचा जीव वाचू शकला असता. आपल्या मुलाची स्थिती पाहून त्यांच्या आईने, फातिमा यांनी स्वतःचे मूत्रपिंड देण्याचा निर्णय घेतला. 'पॉलिसिस्टिक हा एक अनुवांशिक विकार असून, त्यामुळे मूत्रपिंडात गाठी तयार होतात. या गाठींमुळे मूत्रपिंड फुगते. जुनैद यांचे क्रिएटिनीन नऊपर्यंत गेले होते. फक्त मूत्रपिंडरोपणामुळेच त्यांच्या जिवाचा धोका टळला असता, असे मूत्रपिंडविकारतज्ज्ञ डॉ. अनुप चौधरी यांनी सांगितले. दाता म्हणून जुनैदच्या आईने पुढाकार घेतला तेव्हा तिचे वय पाहता डॉक्टरांनाही काळजी वाटत होती. मात्र, मुलाला जीवदान देण्याची त्यांची इच्छाशक्ती दांडगी होती. सर्व वैद्यकीय अहवाल व्यवस्थित आल्यानंतर जुनैद यांच्यावर ही शस्त्रक्रिया करण्यात आली. आई आणि मुलगा दोघांचीही प्रकृती व्यवस्थित असल्याचे डॉक्टरांनी सांगितले.