म. टा. विशेष प्रतिनिधी, मुंबई : लोकशाहीर कॉ. अमर शेख यांच्या कला पथकातील सहकारी शाहिरा केशर जैनू चांद (७८) यांचे सोमवारी पहाटे सात रस्ता, महालक्ष्मी येथील राहत्या घरी वृद्धापकाळाने निधन झाले. त्यांच्या पश्चात मुलगा शाहीर निशांत, सून, नातवंडे असा परिवार आहे. त्यांच्या पार्थिवावर बौद्ध पद्धतीने वरळीतील माता रमाबाई आंबेडकर स्मशानभूमीत अंत्यसंस्कार करण्यात आले.
शाहिरा केशर जैनू चांद यांनी अमर शेख, अण्णा भाऊ साठे व पती शाहीर जैनू चांद यांच्या सोबत संयुक्त महाराष्ट्र चळवळ, गिरणी कामगारांच्या चळवळीत सांस्कृतिक प्रबोधनाचे मोठे कार्य केले होते. अलिकडेच अमर शेख यांच्या स्मृतीदिनी 'दलित पँथर सुवर्ण महोत्सव समिती'तर्फे त्यांच्या कार्याचा गौरव म्हणून विशेष सत्कार करण्यात आला होता. त्यावेळी त्यांनी अण्णा भाऊ यांनी त्यांच्यासाठी लिहिलेले खास गाणे गायले होते. केशर यांच्या निधनामुळे पुरोगामी, समतावादी सांस्कृतिक चळवळीचा दुवा निखळला आहे, अशी श्रद्धांजली कम्युनिस्ट नेते कॉ. सुबोध मोरे व प्रकाश रेड्डी वाहिली आहे. तर दलित पँथर सुवर्ण महोत्सव समिती, विद्रोही सांस्कृतिक चळवळ, लोक सांस्कृतिक मंच, जाती अंत संघर्ष समिती, जनवादी लेखक संघ, प्रगतिशील लेखक संघ आदी संघटनांनी शोक व्यक्त केला आहे.
शाहिरा केशर जैनू चांद यांनी अमर शेख, अण्णा भाऊ साठे व पती शाहीर जैनू चांद यांच्या सोबत संयुक्त महाराष्ट्र चळवळ, गिरणी कामगारांच्या चळवळीत सांस्कृतिक प्रबोधनाचे मोठे कार्य केले होते. अलिकडेच अमर शेख यांच्या स्मृतीदिनी 'दलित पँथर सुवर्ण महोत्सव समिती'तर्फे त्यांच्या कार्याचा गौरव म्हणून विशेष सत्कार करण्यात आला होता. त्यावेळी त्यांनी अण्णा भाऊ यांनी त्यांच्यासाठी लिहिलेले खास गाणे गायले होते. केशर यांच्या निधनामुळे पुरोगामी, समतावादी सांस्कृतिक चळवळीचा दुवा निखळला आहे, अशी श्रद्धांजली कम्युनिस्ट नेते कॉ. सुबोध मोरे व प्रकाश रेड्डी वाहिली आहे. तर दलित पँथर सुवर्ण महोत्सव समिती, विद्रोही सांस्कृतिक चळवळ, लोक सांस्कृतिक मंच, जाती अंत संघर्ष समिती, जनवादी लेखक संघ, प्रगतिशील लेखक संघ आदी संघटनांनी शोक व्यक्त केला आहे.