मुंबई: फक्त राज्याचे नव्हे तर संपूर्ण देशाचे लक्ष लागले आहे ते महाराष्ट्र आणि तेही मुंबईकडे. देशाची आर्थिक राजधानी असलेल्या मुंबईत आज प्रथमच शिवसेनेचे दोन दसरा मेळावे होत आहेत. बीकेसी मैदानावर मुख्यमंत्री एकनाथ शिंदे गटाचा तर ऐतिहासिक पार्श्वभूमी असलेल्या शिवाजी पार्कवर उद्धव ठाकरे यांच्या गटाचा दसरा मेळवा होत आहे.
या दोन्ही दसऱ्या मेळाव्यासाठी राज्यभरातून मोठ्या प्रमाणात कार्यकर्ते मुंबईत दाखल झाले आहेत. दोन्ही गटांनी मोठी गर्दी गोळा केली असली तरी शिवाजी पार्कवर आलेल्या एका शिवसैनिकाने मात्र सर्वांचे लक्ष वेधले.
वाचा- बीकेसीवरील दसरा मेळाव्याचे लाईव्ह अपडेट
जळगाव जिल्ह्यातून आलेल्या या ठाकरे समर्थक शिवसैनिकाने एकनाथ शिंदे गटाला असा टोला लगावला ज्याची चर्चा सोशल मीडियामध्ये सुरू झाली आहे. दसरा मेळाव्यासाठी राज्याच्या कानाकोपऱ्यातून आलेल्या अनेक शिवसैनिकांप्रमाणे हा शिवसैनिक नाही. जळगावातून आलेल्या या शिनसैनिकाने सोबत भाकरी आणि कांदा आणला आहे.
वाचा- दसऱ्या मेळाव्याचा ताण अन् मुंबई पोलिसांचे टेन्शन वाढले; रुग्णालय बॉम्बने उडवण्याची धमकी...
एका वेबसाइटशी बोलताना या शिवसैनिकाने म्हटले, ही गद्दारीची नाही तर कष्टाची भाजी भाकरी आहे. आम्ही स्वत:च्या खर्चाने गाडीने १२ तास प्रवास करून इथे आलो आहे. आम्हाला इथे विचारांचे सोनं लुटायचे आहे आणि ते खेडे गावात पोहोचवायचे आहे. आम्हाला पैशाचा लोभ नाही. गद्दारांना धडा शिकवायचा आहे.
एका बाजूला शिंदे गटाने त्यांच्या समर्थकांना चविष्ट फुड बॉक्स देण्याची सोय केली असताना दुसऱ्या बाजूला शिवाजीपार्कवर आलेल्या या ठाकरे समर्थक शिवसैनिकाने सर्वांचे लक्ष वेधले.
या दोन्ही दसऱ्या मेळाव्यासाठी राज्यभरातून मोठ्या प्रमाणात कार्यकर्ते मुंबईत दाखल झाले आहेत. दोन्ही गटांनी मोठी गर्दी गोळा केली असली तरी शिवाजी पार्कवर आलेल्या एका शिवसैनिकाने मात्र सर्वांचे लक्ष वेधले.
वाचा- बीकेसीवरील दसरा मेळाव्याचे लाईव्ह अपडेट
जळगाव जिल्ह्यातून आलेल्या या ठाकरे समर्थक शिवसैनिकाने एकनाथ शिंदे गटाला असा टोला लगावला ज्याची चर्चा सोशल मीडियामध्ये सुरू झाली आहे. दसरा मेळाव्यासाठी राज्याच्या कानाकोपऱ्यातून आलेल्या अनेक शिवसैनिकांप्रमाणे हा शिवसैनिक नाही. जळगावातून आलेल्या या शिनसैनिकाने सोबत भाकरी आणि कांदा आणला आहे.
वाचा- दसऱ्या मेळाव्याचा ताण अन् मुंबई पोलिसांचे टेन्शन वाढले; रुग्णालय बॉम्बने उडवण्याची धमकी...
एका वेबसाइटशी बोलताना या शिवसैनिकाने म्हटले, ही गद्दारीची नाही तर कष्टाची भाजी भाकरी आहे. आम्ही स्वत:च्या खर्चाने गाडीने १२ तास प्रवास करून इथे आलो आहे. आम्हाला इथे विचारांचे सोनं लुटायचे आहे आणि ते खेडे गावात पोहोचवायचे आहे. आम्हाला पैशाचा लोभ नाही. गद्दारांना धडा शिकवायचा आहे.
एका बाजूला शिंदे गटाने त्यांच्या समर्थकांना चविष्ट फुड बॉक्स देण्याची सोय केली असताना दुसऱ्या बाजूला शिवाजीपार्कवर आलेल्या या ठाकरे समर्थक शिवसैनिकाने सर्वांचे लक्ष वेधले.