मराठा आरक्षण लढ्याचं नेतृत्व करा; शिवसेना खासदाराचे भाजप खासदाराला साकडे

मुंबई: भाजपचे खासदार उदयनराजे भोसले यांनी मराठा आरक्षण लढ्याचं नेतृत्व करावं, अशी मागणी शिवसंग्राम संघटनेचे नेते विनायक मेटे यांनी केली केलेली असतानाच आता शिवसेना खासदार राहुल शेवाळे यांनी वेगळी मागणी केली आहे. मराठा आरक्षण लढ्याचं नेतृत्व खासदार छत्रपती संभाजीराजे यांनी करावं, अशी मागणी शेवाळे यांनी केली आहे. शेवाळे यांनी थेट भाजपच्या खासदारालाच मराठा आरक्षण लढ्याची गळ घातल्याने आश्चर्य व्यक्त केलं जात आहे.

शिवसेना खासदार राहुल शेवाळे यांनी आज नवी दिल्ली येथे छत्रपती संभाजीराजे यांची भेट घेतली. यावेळी शेवाळे यांनी संभाजीराजे यांना निवेदन देऊन मराठा आरक्षण लढ्याचं नेतृत्व करण्याची विनंती केली. तसेच, या प्रकरणी राज्य सरकारच्या प्रयत्नांना यश मिळण्यासाठी पंतप्रधान नरेंद्र मोदी यांच्या प्रमुख उपस्थितीत महाराष्ट्रातील सर्व खासदारांची बैठक बोलवावी, अशी विनंतीही शेवाळे यांनी संभााजीराजे यांना केली आहे.

उदयनराजेंनी मराठा आरक्षण आंदोलनाचं नेतृत्व करावं; मेटेंचं आवाहन

महाराष्ट्र सरकारने सरकारी नोकरी आणि शिक्षणासाठी लागू केलेल्या मराठा आरक्षणाला सर्वोच्च न्यायालयाने स्थगिती दिल्याने मराठा समाजाच्या भावना दुखावल्या गेल्या आहेत. या लढ्यात सुरुवातीपासून महत्वाची भूमिका बजाविणाऱ्या खासदार छत्रपती संभाजीराजे यांनी राज्यातील सर्व खासदारांना याप्रकरणी एकजुटीने प्रयत्न करण्याचे आवाहन केले आहे. या आवाहनाला प्रतिसाद देत खासदार राहुल शेवाळे यांनी संभाजीराजे यांची भेट घेऊन मराठा आरक्षणाच्या लढ्याला आपला नेहमीच पाठिंबा असून या लढ्याचे नेतृत्त्व राजेंनी करावे, अशी विनंती केली. तसेच याप्रकरणी राज्य सरकारच्या बरोबरीने केंद्रानेही लक्ष देऊन, पंतप्रधानाच्या अध्यक्षतेखाली राज्यातील सर्व खासदारांची बैठक बोलवावी, अशी मागणीही त्यांनी केली.


मराठा समाज आता एकटा नाही, मी सोबत आहे; उदयनराजे कडाडले

दरम्यान, भाजपचे खासदार उदयनराजे भोसले यांनी मराठा आरक्षणच्या आंदोलनाचं नेतृत्व करावं, असं आवाहन शिवसंग्राम संघटनेचे नेते विनायक मेटे यांनी केलं आहे. मराठा आरक्षणलाा सर्वोच्च न्यायालयात स्थगिती मिळाली आहे. त्यानंतरही राज्य सरकारने काहीच हालचाल केली नाही. पाच-सहा दिवस उलटून गेले आहेत. पोकळ आश्वासनापलिकडं या सरकारकडून मराठा समाजाला कोणतंही ठोस आश्वासन दिलेलं नाही, असं सांगतानाच मुख्यमंत्री उद्धव ठाकरे आणि मराठा आरक्षण उपसमितीचे अध्यक्ष अशोक चव्हाण यांनी दिलेली आश्वासनं पोकळ असल्याची टीका मेटे यांनी केली आहे.


'शरद पवार सगळ्या विषयांवर बोलतात; मराठा आरक्षणावर का नाही?'