मुंबई : शिवसेनेच्या विधानसभेतील ५५ पैकी ४० पेक्षा अधिक आमदारांनी बंडाचा झेंडा हाती घेतला असून इतरही आमदारांबाबत संभ्रमाचं वातावरण आहे. परभणीतील शिवसेना आमदार राहुल पाटील यांच्याबाबतही ते गुवाहाटी येथील बंडखोरांच्या संपर्कात असल्याचं बोललं जात होतं. या पार्श्वभूमीवर आमदार राहुल पाटील यांनी स्पष्टीकरण दिलं असून मी मरेपर्यंत शिवसेनेसोबतच राहणार असल्याचं स्पष्ट केलं आहे.
'माझ्याविरोधात खोट्या बातम्या पसरवण्याचं काम केलं जातं आहे. मी माझ्या मतदार संघातील दैनंदिन कामकाज संपवून मंत्रालयातच आहे. मी कुठेही जाणार नाही. कालही नाही, आजही नाही आणि उद्याही जाणार नाही. मी बंडखोरी करणार असल्याच्या खोट्या बातम्यांवर विश्वास ठेवून माझ्या मतदारसंघातील लोकांनी अस्वस्थ होऊ नये. मी मरेपर्यंत शिवसेनेत राहणार, असं वचन देतो,' असं आमदार राहुल पाटील यांनी एक व्हिडिओ शेअर करून सांगितलं आहे.
दरम्यान, मंत्री एकनाथ शिंदे यांच्या नेतृत्वाखालील बंडखोर आमदारांचा गट दिवसेंदिवस राज्याचे मुख्यमंत्री आणि शिवसेना पक्षप्रमुख उद्धव ठाकरे यांच्याविरोधात आक्रमक भूमिका घेत आहे. या गटाने काल सुप्रीम कोर्टात दाखल केलेल्या याचिकेत आपण राज्यातील महाविकास आघाडी सरकारचा पाठिंबा काढत असल्याचंही म्हटलं आहे. त्यामुळे हा राजकीय संघर्ष आगामी काळात आणखी तीव्र होण्याची शक्यता आहे.
'माझ्याविरोधात खोट्या बातम्या पसरवण्याचं काम केलं जातं आहे. मी माझ्या मतदार संघातील दैनंदिन कामकाज संपवून मंत्रालयातच आहे. मी कुठेही जाणार नाही. कालही नाही, आजही नाही आणि उद्याही जाणार नाही. मी बंडखोरी करणार असल्याच्या खोट्या बातम्यांवर विश्वास ठेवून माझ्या मतदारसंघातील लोकांनी अस्वस्थ होऊ नये. मी मरेपर्यंत शिवसेनेत राहणार, असं वचन देतो,' असं आमदार राहुल पाटील यांनी एक व्हिडिओ शेअर करून सांगितलं आहे.
दरम्यान, मंत्री एकनाथ शिंदे यांच्या नेतृत्वाखालील बंडखोर आमदारांचा गट दिवसेंदिवस राज्याचे मुख्यमंत्री आणि शिवसेना पक्षप्रमुख उद्धव ठाकरे यांच्याविरोधात आक्रमक भूमिका घेत आहे. या गटाने काल सुप्रीम कोर्टात दाखल केलेल्या याचिकेत आपण राज्यातील महाविकास आघाडी सरकारचा पाठिंबा काढत असल्याचंही म्हटलं आहे. त्यामुळे हा राजकीय संघर्ष आगामी काळात आणखी तीव्र होण्याची शक्यता आहे.